سىبايلاس جەمقورلىققا قارسى قىزمەت كاسىپكەردى پارا بەرۋگە يتەرمەلەگەن الماتى قالاسىنىڭ تۇرعىنىن قۇرىقتادى، دەپ حابارلايدى almaty-akshamy.kz
ول ءوزىن قۇقىق قورعاۋ ورگانىنىڭ قىزمەتكەرى رەتىندە تانىستىرا وتىرىپ، كاسىپكەرلىك سۋبەكتىسىنە قاتىستى تەكسەرۋ شارالارى جۇرگىزىلىپ جاتقاندىعى تۋرالى جالعان اقپارات بەرگەن. كۇدىكتى ءوزىنىڭ دەلدالدىق قىزمەتتەرىن ۇسىنىپ، ماسەلەنى شەشۋ ءۇشىن 390 مىڭ اقش دوللارىن تالاپ ەتكەن.
كاسىپكەر الاياقتىق ارەكەتتەرگە بوي الدىرماي، سىبايلاس جەمقورلىققا قارسى قىزمەتكە جۇگىنگەننەن كەيىن، كۇدىكتى اقشانى الۋ كەزىندە ۇستالدى. سونداي-اق، اتالعان ازاماتتىڭ تۇرعىلىقتى جەرىن ءتىنتۋ كەزىندە قوسىمشا 470 مىڭ اقش دوللارى تابىلدى. ولاردىڭ قايدان الىنعانى جانە ۇستالعان ادامنىڭ باسقا قىلمىستارعا قاتىستىلىعى تەكسەرىلۋدە. سوت كۇدىكتىگە قاتىستى «قاماۋدا ۇستاۋ» بۇلتارتپاۋ شاراسىن تاعايىندادى. تەرگەۋ جالعاسۋدا.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابىنا جانە قىلمىستىق-پروسەستىك كودەكسىنىڭ 19-بابىنا سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.