قايرات قۇدايبەرگەندى قاماۋدا ۇستاۋ مەرزىمى 21 جەلتوقسانعا دەيىن ۇزاردى
سوت قايرات قۇدايبەرگەندى قاماۋدا ۇستاۋ مەرزىمىن 21 جەلتوقسانعا دەيىن ۇزارتتى، دەپ حابارلايدى Almaty-akshamy.kz.
«2022 جىلى 17 قاراشادا سوت قاۋلىسىمەن تەرگەۋ ورگاندارىنىڭ ق-عا قاتىستى قاماۋدا ۇستاۋ مەرزىمىن ۇزارتۋىن سانكسيالاۋ تۋرالى ءوتىنىشى قاناعاتتاندىرىلدى. ياعني 2022 جىلدىڭ 21 جەلتوقسانىنا دەيىن»، - دەلىنگەن سوت حابارلاماسىندا.
ايتا كەتەيىك، 24 ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن.
ەسكە سالايىق، قايرات قۇدايبەرگەننىڭ ۇستالعانى تۋرالى اقپارات 22 ساۋىردە پايدا بولعان ەدى.