كارىم ءماسىموۆتىڭ قاماۋ مەرزىمى ۇزارتىلدى

قاماۋداعى مەرزىمى 6 تامىزعا دەيىن سوزىلدى.

قازاقستان ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ قاماۋداعى مەرزىمى 6 تامىزعا دەيىن سوزىلدى، دەپ حابارلايدى Almaty-akshamy.kz Abai.kz سىلتەمە جاساپ.

كوميتەت مالىمەتىنشە، ۇقك ءتوراعاسىنىڭ بۇرىنعى ەكى ورىنباسارىنىڭ دا قاماۋداعى مەرزىمى ۇزارتىلدى: ءانۋار سادىق ۇلى 6 تامىزعا دەيىن، ال داۋلەت ەرعوجين 13 تامىزعا دەيىن قاماۋدا وتىرادى.

ۇقك-نىڭ بۇرىنعى باسشىلارىنا قارسى قىلمىستىق ىسكە "اسا قۇپيا" ءمورى باسىلعان.

كوپ جىل بويى قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ سەنىمدى سەرىگى بولعان كارىم ءماسىموۆ 5 قاڭتاردا قامالعان. ول سول كۇنى قازاقستان قاۋىپسىزدىك كەڭەسىنىڭ وتىرىسىنا قاتىسقان. وسى وتىرىستا قازاقستان پرەزيدەنتى قاسىم-جومارت توقايەۆ كەڭەس ءتوراعالىعىن ءوز مويىنا العانىن جانە قازاقستانعا "حالىقارالىق تەرروريستىك توپ" شابۋىل جاساعانىن مالىمدەگەن.

8 قاڭتاردا ۇقك "مەملەكەتكە وپاسىزدىق جاسادى" دەگەن كۇدىكپەن كارىم ءماسىموۆتىڭ قاماۋعا الىنعانىن، 13 قاڭتاردا "بيلىكتى كۇشپەن باسىپ الۋ" بابى بويىنشا دا ءىس قوزعالعانىن حابارلاعان.