كارىم ءماسىموۆتى قاماۋدا ۇستاۋ مەرزىمى ۇزارتىلدى

التىنشى مامىرعا دەيىن ۇزارتىلدى.

ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتى قاماۋدا ۇستاۋ مەرزىمى 6 مامىرعا دەيىن ۇزارتىلدى، دەپ حابارلايدى Almaty-akshamy.kz Aikyn.kz cىلتەمە جاساپ.

سونىمەن قاتار ونىڭ ورىنباسارلارىن قاماۋدا ۇستاۋ مەرزىمى دە ۇزارتىلدى.

«ءماسىموۆ پەن ءسادىقۇلوۆتى قاماۋدا ۇستاۋ مەرزىمى 6 مامىرعا دەيىن، ەرعوجيننىڭ قاۋامدا ۇستاۋ مەرزىمى 8 مامىرعا دەيىن ۇزارتىلدى»، – دەلىنگەن حابارلامادا.

سونىمەن قاتار ۇقق ءتورعاسىنىڭ بۇرىنعى ورىنباسارى مارات وسيپوۆتىڭ قاماۋعا الۋ مەرزىمىن ۇزارتۋ تۋرالى ماتەريالدار پروكۋراتۋراعا جىبەرىلدى.

كۇدىكتىلەر تەرگەۋ يزولياتورىندا وتىر.

كارىم ءماسىموۆ پەن ونىڭ ورىنباسارلارىنا قاتىستى ءىس قىلمىستىق كودەكستىڭ بەس بابى بويىنشا تەرگەلىپ جاتىر.

175-باپتىڭ 1-بولىگى – «مەملەكەتكە وپاسىزدىق جاساۋ» (15 جىلعا باس بوستاندىعىنان ايىرۋ جازاسى قاراستىرىلعان، وعان قوسا، قازاقستان ازاماتتىعىنان ايىرۋى مۇمكىن)؛

179-باپتىڭ 3-بولىگى – «قازاقستان رەسپۋبليكاسىنىڭ كونستيتۋسياسىن بۇزىپ، بيلiكتi كۇشپەن باسىپ الۋعا نەمەسە بيلiكتi كۇشپەن ۇستاپ تۇرۋعا نە قازاقستان رەسپۋبليكاسىنىڭ كونستيتۋسيالىق قۇرىلىسىن كۇشتەپ وزگەرتۋگە باعىتتالعان ارەكەتتەر» (17 جىلعا دەيىن باس بوستاندىعىنان ايىرۋ، وعان قوسا، قازاقستان ازاماتتىعىنان ايىرۋ جازاسى بار)؛

218-باپتىڭ 3-بولىگى – «قىلمىستىق جولمەن الىنعان اقشانى جانە (نەمەسە)وزگە مۇلىكتى زاڭداستىرۋ (جىلىستاتۋ، ادام ءوزىنىڭ قىزمەت بابىن پايدالانا وتىرىپ جاساعان ءدال سول ىس-ارەكەتتەر» (7 جىلعا دەيىن باس بوستاندىعىنان ايىرۋ)؛

362-باپتىڭ 4-بولىگى – «بيلiكتi نەمەسە لاۋازىمدىق وكiلەتتiكتەردى اسىرا پايدالانۋ» (10 جىلعا دەيىن باس بوستاندىعىنان ايىرۋ)؛

366-باپتىڭ 4-بولىگى – «پارا الۋ» (12 جىلعا دەيىن باس بوستاندىعىنان ايىرۋ)؛ قىلمىستىق ءىس «وتە قۇپيا» دەگەن بەلگىمەن تەرگەلىپ جاتىر.