كارانتيندى ساقتاماعانى ءۇشىن جاڭا زەلانديا تۇرعىندارىنا ايىپپۇل سالىنادى

زاڭ 16 قازاندا كۇشىنە ەنەدى.

كارانتين تالاپتارىن ساقتاماعان جاڭا زەلانديا تۇرعىندارىنا ءۇش مىڭ اقش دوللارىنا جۋىق ايىپپۇل سالىنادى، دەپ حابارلايدى Almaty-akshamy.kz CCOVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.

جاڭا زەلانديا تۇرعىندارىنا كارانتيندى ساقتاماعانى ءۇشىن 2،8 مىڭ دوللار ايىپپۇل سالىنادى.  زاڭ 16 قازاندا كۇشىنە ەنەدى جانە 31 جەلتوقسانعا دەيىن قولدانىلادى. بيلىكپەن بەلگىلەنگەن سانيتارلىق تالاپتاردى ادەيى بۇزعان ازاماتتار سوت ارقىلى جانە التى ايعا باس بوستاندىعىنان ايىرىلۋى مۇمكىن.

اقش-تاعى كوروناۆيرۋس قۇرباندارىنىڭ سانى "يسپان تۇماۋىنان" قازا تاپقانداردىڭ سانىنان اسىپ ءتۇستى. دجونس حوپكينس ۋنيۆەرسيتەتىنىڭ مالىمەتى بويىنشا ەلدە COVID-19 سالدارىنان 675 885 ادام قايتىس بولدى. اقش-تىڭ اۋرۋلاردى باقىلاۋ جانە الدىن-الۋ فەدەرالدى ورتالىقتارىنىڭ مالىمەتتەرى بويىنشا "يسپان تۇماۋىنان" زارداپ شەككەندەردىڭ سانى 675 مىڭ بولدى، بۇعان دەيىن بۇل اقش تاريحىنداعى ەڭ ءقاۋىپتى يسپان تۇماۋىنىڭ پاندەمياسى بولعان.

رەسەي تجم لاوسقا گۋمانيتارلىق كومەك رەتىندە "سپۋتنيك لايت" ۆاكسيناسىنىڭ شامامەن 30 مىڭ دوزاسىن جەتكىزەدى. قازىرگى ۋاقىتتا لاوستا شەكارالار جابىلىپ، مەيرامحانالار، سپورتتىق-ويىن-ساۋىق جانە ءبىلىم بەرۋ مەكەمەلەرىنىڭ جۇمىسى توقتاتىلدى. بۇقارالىق ءىس-شارالاردى وتكىزۋگە تىيىم سالىندى.