كانادانى تاڭ قالدىردى

«PEEWEE QUEBEC 2023» حوككەيشىلەر وليمپياداسىندا جاستاردىڭ مەرەيى ۇستەم بولدى.

مۇحيتتىڭ ارعى جاعىنان جاعىمدى جاڭالىق. بۇل جولى كانادادا حوككەيدەن جاسوسپىرىمدەر اراسىنداعى وتكەن جارىستا جەرلەستەرىمىز كوك تۋدى جەلبىرەتتى، - دەپ حابارلايدى Almaty-akshamy.kz.

مۇز ايدىنا تاس ءتۇيىن بولىپ شىققان جاستار قارسىلاستارىنا مۇمكىندىك بەرمەدى. ايتا كەتۋ كەرەك، كۆەبەك حالىقارالىق Quebec International Pee-Wee (پي-ۆي) حوككەي ءتۋرنيرى - الەمدەگى ەڭ ۇلكەن قوسالقى حوككەي ءتۋرنيرى بولىپ ەسەپتەلەدى. بۇل سپورتتىق شاراعا الەمنىڭ تۇكپىر-تۇكپىرىنەن 11-12 جاس ارالىعىنداعى بالالار قاتىسادى. جىل سايىن ۇيىمداستىرىلاتىن بۇل شارانىڭ 63 جىلدىق تاريحى بار.

 حوككەيدىڭ اتاسى دەپ تانىلعان كاناداعا الەمنىڭ 37 ەلىنەن سايىپقىران كوماندالار كەلىپ، باقتارىن سىنادى. شاراعا العاش رەت قاتىسقان ءبىزدىڭ ەلدىڭ كومانداسى سەن تۇر مەن اتايىن دەگەن ءدۇلدۇل كوماندالاردىڭ مىسىن قايىرىپ، جەڭىس تۇعىرىنان كورىندى. فينالدا كانادانىڭ Haute-Beauce Lynx كومانداسىمەن مۇز ايدىنىنا شىعىپ، قارسىلاستارىنىڭ قاقپاسىنا 4 رەت شايبا سالدى. ناتيجەسىندە 4:2 ەسەبىمەن «قازاقستان» كومانداسى جەڭىسكە جەتىپ، ءانۇرانىمىزدى ورىنداتتى. جەڭىسكە جەتكەن جاستارىمىزدىڭ مەرەيى ءاردايىم بيىكتە بولعاي!