كاناداداعى حوككەي جارىسى كەيىنگە شەگەرىلدى

COVID-19: كانادا حوككەيدەن جاستار اراسىنداعى الەم چەمپيوناتىن كەيىنگە قالدىردى

كانادا حوككەيدەن جاستار اراسىنداعى الەم چەمپيوناتىن كەيىنگە قالدىردى، دەپ حابارلايدى Almaty-akshamy.kz

اقش، چەحيا جانە رەسەي قۇرامالارىنىڭ ويىنشىلارىندا سovid-19 جۇقتىرۋ دەرەكتەرى انىقتالدى. وسىعان بايلانىستى ءۇش ماچ تا توقتاتىلدى.

ءتۋرنيردى جالعاستىرۋ ماسەلەسى تۋرالى ايتىلعان جينالىستان كەيىن مەديسينالىق ساراپشىلار توبىنىڭ ۇسىنىسى بويىنشا بيلىك چەمپيوناتتى مەرزىمىنەن بۇرىن جاۋىپ تاستادى.

«IIHF كەڭەسى بۇل شەشىمدى بارلىق قاتىسۋشىلاردىڭ دەنساۋلىعى مەن قاۋىپسىزدىگىن قامتاماسىز ەتۋ ءۇشىن COVID-19 اۋرۋى مەن كوروناۆيرۋستىڭ «وميكرون» نۇسقاسىنىڭ ۇزدىكسىز تارالۋىنا بايلانىستى قابىلدادى»، - دەلىنگەن ۇيىم حابارلاماسىندا.

1977 جىلدان بەرى وتكىزىلىپ كەلە جاتقان حوككەيدەن جاستار اراسىنداعى الەم چەمپيوناتى ءوز تاريحىندا العاش رەت مەرزىمىنەن بۇرىن اياقتالدى. بۇل تۋرنير 2022 جىلدىڭ 5 قاڭتارىندا اياقتالادى دەپ جوسپارلانعان بولاتىن. رف دەنساۋلىق ساقتاۋ مينيسترلىگىنىڭ جۇقپالى اۋرۋلار جونىندەگى شتاتتان تىس باس مامانى پروفەسسور ۆلاديمير چۋلانوۆ ازاماتتارعا جاڭا جىلدىق مەرەكەلەردە شەتەلگە بارۋدان باس تارتۋدى ۇسىندى.

«الەمنىڭ ءارتۇرلى ەلدەرىندە جاڭا «وميكرون» شتامىنىڭ بەلسەندى تارالۋىنا بايلانىستى مەرەكەلەرگە شەتەلدىك ساپارلاردى جوسپارلاماعان ءجون، ەگەر جوسپارلانعان بولسا، وندا الدىن - الا ۆيرۋسقا قارسى ەكپە جاساتۋ كەرەك جانە ساياحات كەزىندە الدىن-الۋ شارالارىن مۇقيات ساقتاۋ قاجەت»، - دەپ كەڭەس بەردى پروفەسسور.

ينفەكسيونيست COVID-19 اسەرىنەن قورعاۋدىڭ ەڭ ءتيىمدى ءادىسى ۆاكسيناسيا ەكەنىن اتاپ ءوتتى.