كامەلەتكە تولماعان الماتىلىقتار قوناق ۇيدەن بولمە الا المايتىن بولدى

الماتى قالاسى پد مەن قالاداعى قوناق ءۇي كەشەندەرىنىڭ باسشىلارى اراسىندا ىنتىماقتاستىق تۋرالى مەموراندۋمدار جاسالدى

الماتى پوليسياسى قوناق ءۇي كەشەندەرىمەن جاسوسپىرىمدەرگە قاتىستى كەلىسىمگە وتىردى، – دەپ حابارلايدى Almaty-akshamy.kz Polisia.kz-كە سىلتەمە جاساپ. 

الماتى پد كامەلەتكە تولماعاندارعا بولمە بەرمەۋ تۋرالى قوناق ءۇي كەشەندەرىمەن كەلىسىمگە وتىردى. 

– كامەلەتكە تولماعانداردىڭ قۇقىقتارى مەن زاڭدى مۇددەلەرىن قورعاۋ، سونداي-اق كامەلەتكە تولماعاندارعا جىنىستىق قول سۇعىلماۋشىلىققا قارسى قىلمىستاردىڭ الدىن الۋ جانە بولدىرماۋ سالاسىنداعى ىنتىماقتاستىقتى دامىتۋ ماقساتىندا تۇركسىب اۋدانىنداعى قوناق ءۇي كەشەندەرىنىڭ باسشىلارىمەن كەزدەسۋ ءوتتى. ونىڭ ناتيجەسىندە الماتى قالاسى پد مەن قالاداعى قوناق ءۇي كەشەندەرىنىڭ باسشىلارى اراسىندا ىنتىماقتاستىق تۋرالى مەموراندۋمدار جاسالدى. وسى كەلىسىم اياسىندا قوناق ءۇي كەشەندەرى كامەلەتكە تولماعاندارعا بولمە بەرمەيتىن بولادى. تىركەۋ كەزىندە ءارقاشان جەكە باسىن كۋالاندىراتىن قۇجاتتاردى سۇراڭىز، سونداي-اق كامەلەتكە تولماعانداردىڭ (زاڭدى وكىلدەرىنىڭ ەرىپ ءجۇرۋىنسىز)، جاقىن تۋىستارى بولىپ تابىلمايتىن ادامدارمەن (سەنىمحاتسىز) قوناق ءۇي كەشەنىنە كەلۋ جانە كامەلەتكە تولماعاندارعا قاتىستى باسقا دا زاڭسىز دەرەكتەر تۋرالى ىشكى ىستەر ورگاندارىنا دەرەۋ حابارلاڭىز، – دەدى الماتى قالالىق پد يۋۆەنالدى پوليسيا ءبولىمىنىڭ باستىعى جاننا شونجانوۆا.

ۆەدومستۆونىڭ حابارلاۋىنشا، ءىس-شارا پروفيلاكتيكالىق سيپاتقا يە جانە قىزمەت كورسەتۋ جۇمىسشىلارىن قابىلدانعان شارالارمەن تانىستىرۋعا باعىتتالعان. ينسپەكتورلار تۇسىندىرمە جۇمىستارىن جۇرگىزىپ، وسىنداي جاعدايلار ورىن العان كەزدە ارەكەت ەتۋ الگوريتمىن ايتتى.