اقش ۆيسە-پرەزيدەنتى كامالا حارريس ەلدەگى ەڭ جوعارى لاۋازىمعا رەسمي تۇردە پرەزيدەنتتىككە ۇمىتكەر بولۋ ءۇشىن ونلاين سايلاۋعا قاتىسقان.
ول دەموكراتيالىق پارتيا دەلەگاتتارىنان پرەزيدەنتتىككە ۇمىتكەر بولۋ ءۇشىن جەتكىلىكتى داۋىس جينادى، دەپ حابارلايدى aqshamnews.kz Washington Post باسىلىمىنا سىلتەمە جاساپ.
حارريس دەموكراتيالىق پارتيا دەلەگاتتارىنان قاجەت داۋىس سانىن جيناعان. كامالا حارريس امەريكا تاريحىنداعى العاشقى ايەل پرەزيدەنت بولۋى مۇمكىن. سونىمەن قاتار ول سايلاۋ پارتياسىن باسقارعان العاشقى قارا ءناسىلدى ايەل بولدى. اقپاراتتى دەموكراتيالىق پارتياسىنىڭ ۇلتتىق كوميتەتىنىڭ ءتوراعاسى دجەيمي حارريسون راستادى. ول حارريس داۋىس بەرۋ باستالعاننان كەيىن ءبىر كۇن وتكەن سوڭ قاجەتتى داۋىس سانىن جيناعانىن حابارلادى.
ايتا كەتەيىك، باراك پەن ميشەل وباما تەلەفون ارقىلى سويلەسۋ كەزىندە ۆيسە-پرەزيدەنت كامالا حارريسكە قولداۋ ءبىلدىردى. سونىمەن قاتار اقش پرەزيدەنتتىگىنە ۇمىتكەر كامالا حارريس قارسىلاسى دونالد ترامپپەن 10 قىركۇيەكتە دەبات وتكىزۋگە دايىن ەكەنىن ايتتى. بۇعان دەيىن كامالا حارريس اقش پرەزيدەنتتىگىنە ۇمىتكەر بولاتىنىن رەسمي تۇردە جاريا ەتكەن بولاتىن.