كاليفورنيانىڭ لوس-اندجەلەس قالاسىنىڭ سولتۇستىگىندە ءورت قارقىندى تارالۋدا، دەپ حابارلايدى aqshamnews.kz
بۇل ايماقتىڭ تۇرعىندارىنا ۇلكەن ءقاۋىپ ءتوندىرىپ وتىر. ءورت سالدارىنان بىرنەشە ءۇي ورتەنىپ كەتتى. تەڭىز جاعالاۋىنداعى كورنەكتى ورىندار دا وتقا ورانعان.
قازىرگى ۋاقىتتا 30 000-نان استام ادام ءوز ۇيلەرىن تاستاپ، ءقاۋىپسىز جەرگە كەتۋگە ءماجبۇر بولدى. پوليسيا باستىعى دجيم ماكدوننەللدىڭ ايتۋىنشا، 10 000 ءۇيدىڭ تۇرعىندارى ەۆاكۋاسيالانعان. بۇل وسى وڭىردەگى بۇكىل ءبىر اۋداندى قامتيدى. لوس-اندجەلەس قالاسىنىڭ مەرى كارەن باسس توتەنشە جاعداي جاريالادى.
جەلدىڭ سالدارىنان ءورتتى باقىلاۋعا الىپ، ءسوندىرۋ مۇمكىن بولماي تۇر. قازىرگى ۋاقىتتا ءورت 160 گەكتاردان استام اۋماقتى شارپىعان. سونىمەن قاتار بوربانك اۋەجايىندا تاعى ءبىر ءورت شىقتى، ول دا لوس-اندجەلەستىڭ سولتۇستىگىندە ورنالاسقان.