جامبىل جابايەۆتىڭ 175 جىلدىق مەرەيتويىنا وراي كىتاپتىڭ تۇساۋكەسەرى ءوتتى
س.سەيفۋللين اتىنداعى الماتى وبلىستىق امبەباپ كىتاپحاناسىندا حالىقارالىق تۇركى مادەنيەتى ۇيىمىنىڭ قولداۋىمەن جارىق كورگەن كىتاپ كوپشىلىككە تانىستىرىلدى، دەپ حابارلايدى Almaty-akshamy.kz.
قازاقپارات سايتىنىڭ حابارلاۋىنشا، كىتاپقا جامبىل جابايەۆتىڭ ولەڭدەرى مەن تالدامالارى تۇرىك تىلىنە اۋدارىلىپ جيناقتالعان. سونداي-اق، كەي سوزدەردىڭ قازاقشا بالاماسى بەرىلگەن. كىتاپتىڭ رەداكتورلارى: Orhan Söylemez، Naz Penah، Ömer Faruk Ateş.
تۇساۋكەسەر راسىمىنە تۇركيا رەسپۋبليكاسى حالىقارالىق تۇركى مادەنيەتى ۇيىمى (تۇركسوي) قارجىلىق ءبولىمىنىڭ باسشىسى مەحمەت سانجار ءمۇلازىموعلى، قازاقستاننىڭ حالىقارالىق تۇركسوي ۇيىمىنداعى وكىلى باقىتجان ومار، قازاقستاننىڭ ەڭبەك سىڭىرگەن قايراتكەرى، ق ر جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت جانە ءبىر توپ زيالى قاۋىم وكىلدەرى قاتىستى.