سىز تاباننان وتەدى
ۇلكەن كىسىلەر ۇنەمى جىلى كيىنۋدى ەسكەرتەدى. ءاردايىم اتا-انالار دەنەنى جىلىلىقتا ۇستاعاندى دۇرىس كورىپ جاتادى. ال سلاۆيان حالىقتارىندا مىناداي ءسوز بار. ولار «باستى سالقىن، اياقتى جىلى ۇستا» دەيدى. ارعى ماعىناسى تەرەڭدە جاتىر. مۇنىڭ ءبىرىنشىسى استارلى بولسا، ەكىنشىسىن تۋرا ماعىناسىندا تۇسىنۋگە بولادى.
جەلەڭ ءجۇرۋدىڭ سالدارى. بۇگىندەرى قىستىڭ قاقاعان سۋىعىندا جەلەڭ جۇرەتىندەردى كوزىمىز شالادى. ءتىپتى ءجيى ۇشىراساتىن بولدىق. ولار جاستاردىڭ اراسىندا كوپ. شەتەلدىك ترەندتى قۋالاپ، ءتاننىڭ ساۋلىعىنان ايرىلىپ جاتادى. سونىڭ نەگىزىندە جاس وتباسىلار دۇنيەگە بالا اكەلە الماي جاتادى. ايتۋعا قيىن، ارتى ءومىر-باقي بەدەۋلىككە سوقتىرماسىنا كىم كەپىل؟ ودان بولەك قاراكوزدەرىمىز جەر تاڭداماي، وزدەرى وقيتىن، جۇمىس جاسايتىن مەكەمە الدىنا جەڭىل-جەلپى شىعا سالادى. سول ارادا اڭگىمە-دۇكەن قۇرىپ، تەمەكى تارتادى. ءبىر قاراعاندا، ءجاي نارسە سياقتى. دەسە دە، وسىنىڭ سالدارى ۋاقىتى كەلگەندە بايقالىپ جاتادى.
اق حالاتتى ابزال جاندار جان مەن ءتاننىڭ ساۋلىعى اركىمنىڭ جەكە وزىنە بايلانىستى ەكەنىن ايتىپ كەلەدى. ەندى وسىنىڭ بايىبىنا بارار بولساڭ، ءبىرقاتار ادەتتەردەن قۇتىلاسىز.
ءتۇيىن. ءاربىر جان جاراسىمدى كيىمگە قۇشتار. باستىسى، سونى رەتىمەن پايدالانسا، قۇبا-قۇپ. قىستىڭ كوزى قىراۋدا اياق-قولدى جاۋىپ تۇراتىن جىلى دا جاراسىمدى كيىم كىم-كىمنىڭ دە اجارىن اشارى انىق.