الماتىدا وتكەن «Digital Almaty 2024: سيفرلىق فورۋمى اياسىندا الماتى اكىمدىگى Almaty-Smart سity تۇجىرىمداماسىن ۇسىندى.
سيفرلىق فورۋمدا تانىستىرىلعان Almaty City App جاڭا قوسىمشاسى جىلدىڭ سوڭىنا دەيىن ىسكە قوسىلادى، دەپ حابارلايدى Almaty-akshamy.kz
الماتىدا «Digital Almaty 2024: يندۋستريا ح – بولاشاقتىڭ سيفرلىق ەۆوليۋسياسى» سيفرلىق فورۋمى اياسىندا ەۋرازيالىق ۇكىمەتارالىق كەڭەستىڭ وتىرىسى ءوتتى، وعان ەاەو ەلدەرىنىڭ پرەمەر-مينيسترلەرى مەن ەۋرازيالىق ەكونوميكالىق كوميسسيا القاسىنىڭ باسشىسى كەلدى. كەزدەسۋ الدىندا دەلەگاسيا باسشىلارى، الماتى قالاسىنىڭ اكىمى ەربولات دوسايەۆ روبوتوتەحنيكا جانە سيفرلاندىرۋ سالاسىنداعى زاماناۋي شەشىمدەر قويىلعان كورمەنى ارالاپ كوردى.
الماتى اكىمدىگى Almaty-Smart سity تۇجىرىمداماسىن ۇسىندى، ول ازاماتتارعا ارنالعان سيفرلىق سەرۆيستەردى قۇرۋ، قاۋىپسىزدىكتى قامتاماسىز ەتۋ، باسقارۋ شەشىمدەرىن قابىلداۋ تيىمدىلىگىن جاقسارتۋ جانە ينجەنەرلىك ينفراقۇرىلىمدى سيفرلاندىرۋ جونىندەگى جوبالاردى قامتيدى.
قالانىڭ سيفرلاندىرۋ باسقارماسىنىڭ باسشىسى ولجاس جاڭابەك Almaty City App جاڭا قالالىق قوسىمشاسىن تانىستىردى.
«Almaty City App قالالىق سيفرلىق سەرۆيستەردى كورسەتۋ ءۇشىن ءبىرىڭعاي تەرەزە بولادى. OpenAlmaty [الماتى اكىمدىگىنىڭ قوعامدىق قابىلداۋ بولمەسى) سىندى سەرۆيزدىڭ احۋالدىق ورتالىعىنىڭ اشىق مودۋلدەرى، VisitAlmaty [الماتىداعى تۋريستەرگە ارنالعان قوسىمشا] ءبىزدىڭ قالامىزدىڭ تۇرعىندارى ءۇشىن ءبىر رەت باسۋ ارقىلى قولجەتىمدى بولادى»، - دەدى ولجاس جاڭابەك.
جوبانى بيىل جىل سوڭىنا دەيىن ىسكە قوسۋ جوسپارلانىپ وتىر.
الماتى-Smart Cityء-دى دامىتۋدىڭ باستى جوباسى قالانىڭ سيفرلىق ەگىزى (Digital Twin) بولىپ تابىلادى، ول بولاشاقتا نەعۇرلىم اقىلدى جانە ءتيىمدى قالالىق كەڭىستىك قۇرۋ ءۇشىن قالالىق ينفراقۇرىلىمدى مودەلدەۋدە، تالداۋدا جانە باسقارۋدا نەگىزگى قۇرالعا اينالادى.
انىقتاما: وتكەن جىلدىڭ 9 ايىندا الماتىنىڭ ءجوو $32 ملرد قۇرادى، ونىڭ ىشىندە $1،7 ملرد. كوممۋنيكاسيالىق تەحنولوگيالار سالاسىنا تيەسىلى.