قازگيدرومەت ەل اۋماعى بويىنشا 28-30 جەلتوقسانعا ارنالعان اۋا رايى بولجامىن جاريالادى.
جاڭا جىل قارساڭىندا ەلىمىزدىڭ بارلىق ايماعىندا تۇراقسىز اۋا رايى بولجانۋدا، دەپ حابارلايدى Almaty-akshamy.kz.
مامانداردىڭ حابارلاۋىنشا، ەل ايماقتارىندا اتلانتيكالىق سيكلون اسەرىنەن جاڭبىر مەن قار تۇرىندە جاۋىن-شاشىن كۇتىلەدى. سونداي-اق بوران، كوكتايعاق جانە 15-28 م/س ەكپىندى جەل بولجانۋدا. 29-30 جەلتوقساندا سولتۇستىك جانە وڭتۇستىك وڭىرلەردە 30 م/س قاتتى جەل كۇتىلەدى. 30 جەلتوقساندا ەلىمىزدىڭ سولتۇستىك-باتىسىندا، سولتۇستىگىندە جانە ورتالىعىندا تۇندە اۋا تەمپەراتۋراسى 7-15 گرادۋس ايازعا دەيىن، رەسپۋبليكانىڭ وڭتۇستىگى مەن وڭتۇستىك-شىعىسىندا 3-13 گرادۋس ايازعا دەيىن جەتەدى.