جىل وتكەن سايىن ازىق-تۇلىك باعاسى قىمباتتاي بەرەتىن بولدى

كليمات داعدارىسى جاھاندىق ازىق-تۇلىك قاۋىپسىزدىگىنە قاتەر توندىرەدى.

ادامزات ءجيى تۇتىناتىن كەي ازىق تۇرلەرى جوعالادى نەمەسە قات دۇنيەگە اينالادى (ماسەلەن، تاعام قوسپاسى رەتىندە قولدانىلاتىن شافران، كوفە، ت.ب.). بۇدان بولەك، كۇللى الەم بويىنشا ازىق-تۇلىكتىڭ باعاسى ايتارلىقتاي كوتەرىلەدى. جاھاندىق جىلىنۋ مەن اپتاپ ىستىققا، قۇرعاقشىلىققا، تاسقىن-سەلگە، ت.ب. بايلانىستى. پوتسدامداعى كليمات وزگەرىسىن زەرتتەۋ ينستيتۋتىنىڭ عالىمدارى وسىنداي تۇجىرىمعا كەلىپ وتىر، دەپ حابارلايدى Almaty-akshamy.kz.

جاھاندىق جىلىنۋعا بايلانىستى توتەنشە اۋا رايىنان اۋىل شارۋاشىلىعى كوپ زارداپ شەگەدى. سالدارىنان ينفلياسيا تەرەڭدەيدى. 2022 جىلدىڭ جاز مەزگىلىندەگى اپتاپ ىستىقتان ينفلياسيا الەمدە 0،43-0،93 پايىزعا وسكەن. 2035 جىلعا قاراي، ساراپشىلاردىڭ پىكىرىنشە، بۇل كورسەتكىش كەم دەگەندە 30 پايىزعا جەتەدى. تاعى ءبىر سەناريي بويىنشا ازىق-تۇلىك ينفلياسياسى 50 پايىزعا دەيىن وسپەك. ازىق-تۇلىك باعاسىنىڭ ءوسۋ تەندەنسياسى تەك ەكونوميكاسى كەرى كەتكەن ەلدەردە عانا ەمەس، سونىمەن قاتار، تابىسى جوعارى دامىعان ەلدەردە دە ساقتالا بەرمەك. اسىرەسە، افريكا قۇرلىعىنداعى جانە لاتىن امەريكاسىندا اۋا تەمپەراتۋراسىنىڭ كوپ كوتەرىلۋىنەن ازىق-تۇلىك وزگە ايماقتارعا قاراعاندا قىمباتىراق بولماق.