ءوسىم وتكەن جىلدىڭ سايكەس كەزەڭىمەن سالىستىرعاندا 23% جوعارى بولدى.
قازاقستاندىق اۆتوبيزنەس قاۋىمداستىعىنىڭ دەرەگىنە سۇيەنسەك، وتاندىق اۆتووندىرىستە ەشقانداي ىركىلىس بولعان جوق. دەگەنمەن الەم ەلدەرى قاجەتتى بولشەكتەر جەتكىزىلىمى بويىنشا ءبىرقاتار كەدەرگىلەرگە تاپ كەلگەنى راس. سوعان قاراماستان، جىل باسىنان بەرى رەسپۋبليكادا 799 ميلليارد تەڭگەدەن استام سوماعا كولىك شىعارىلدى، دەپ حابارلايدى Almaty-akshamy.kz Jjtv.kz سايتىنا سىلتەمە جاساپ.
بۇعان قوسا، 2022 جىلدىڭ سوڭىنا قاراي تاعى وزگە كولىك قۇرالدارى پايدالانۋعا بەرىلەدى دەپ جوسپارلانىپ وتىر. ونىڭ اۋقىمى كەم دەگەندە 7% شاماسىندا بولدى. ازىرگە بۇل تەك بولجام. ال ءبىرىنشى كەزەكتە ارينە جەڭىل اۆتوكولىكتەر ءوندىرىسى تۇر. ولاردىڭ سانى وتكەن جىلمەن سالىستىرعاندا 30% ارتقان. بارلىعى 71 مىڭ كولىك يەسىن تاپتى.
نەگىزىنەن ءاۆتووندىرىستىڭ اۋقىمدى ۇلەسىن قوستاناي وبلىسى بەرىپ وتىر. ايماقتا جىل باسىنان بەرى 48 مىڭ دانا جەڭىل، جۇك كولىگى مەن اۆتوبۋس قۇراستىرىلدى. ال الماتى قالاسىنداعى زاۋىتتا 26 مىڭ كولىك جاسالىپ، يەسىنە تابىستالعان. سەمەي قالاسىندا - 1600 كولىك قۇراستىرىلسا، كوكشەتاۋ 900 شاقتى جۇك كولىگىن ساتىلىمعا شىعاردى.