جىل باسىنان بەرى ىزدەۋدە جۇرگەن 706 ادام ۇستالدى. ونىڭ 14ء-ى - ادام ولتىرگەندەر، - دەپ حابارلايدى aqshamnews.kz.
باس پروكۋراتۋرا مالىمەتىنشە، حالىق كوپ جينالاتىن ورىندارعا 3 مىڭنان استام كامەرا ورناتىلدى. سولاردىڭ كومەگىمەن 2024 جىلى 72 قىلمىسكەر ۇستالدى. ماسەلەن، بىلتىر قازاندا الماتىدا اۋىر قىلمىس جاساعانى ءۇشىن 15 جىلدان اسا ۋاقىت بويى ىزدەستىرۋدە جۇرگەن قىلمىسكەر ۇستالدى.
سونىمەن قاتار، شەتەلدىك يۋريسديكسيالاردان اسا اۋىر قىلمىستار جاساعان - كىسى ءولتىرۋ، قارجىلىق پيراميدالار قۇرۋ، ۇيىمداسقان قىلمىستىق توپقا قاتىسۋ، الاياقتىق جانە ەسىرتكى ساۋداسى بويىنشا جاۋاپقا تارتىلعان 28 ادام قايتارىلدى.
جالپى، جىل باسىنان بەرى 706 ىزدەستىرۋدەگى ادام ۇستالدى، ونىڭ ىشىندە:
• 14 - كىسى ولتىرگەنى ءۇشىن،
• 13 - ەسىرتكى ساتقانى ءۇشىن،
• 34 - توناعانى ءۇشىن،
• 141 - الاياقتىق جاساعانى ءۇشىن،
• 269 - ۇرلىق ءۇشىن.
قابىلدانعان شارالار ىزدەستىرۋدەگى ادامداردىڭ جالپى سانىن 4،6%-عا (2226-دان 2123-كە دەيىن) ازايتۋعا جانە ولاردى ۇستاۋ تيىمدىلىگىن 63،7%-عا دەيىن ارتتىرۋعا مۇمكىندىك بەردى.
جازانىڭ بۇلتارتپاستىعىن قامتاماسىز ەتۋ جانە ەلدەگى قۇقىقتىق ءتارتىپتى نىعايتۋ جۇمىسى جۇيەلى جانە تۇراقتى نەگىزدە جالعاساتىن بولادى.