ونىڭ 90 پايىزى قايعىلى جاعدايمەن اياقتالعان.
بۇل توتەنشە جاعدايلار مينيسترلىگى كەلتىرگەن ستاتيستيكا، دەپ حابارلايدى Almaty-akshamy.kz.
بالالار اراسىندا وسىنداي وقىس وقيعالاردىڭ جيىلەۋى جاۋاپتى مەكەمەلەردى دە الاڭداتىپ وتىر. ال ساراپشىلار ەندى ەلىمىز حالىقارالىق تاجىريبەلەرگە سۇيەنىپ، بۇلدىرشىندەر قاۋىپسىزدىگىن كۇشەيتۋ كەرەك ەكەنىن ايتادى.
24.kz ارناسىنىڭ مالىمەتىنە سۇيەنسەك، وتكەن جىلى ەلىمىزدە 100-دەن استام بالا تەرەزەدەن قۇلاپ، 25ء-ى كوز جۇمعان.
«بىرىنشىدەن، مۇنداي وقيعالاردىڭ بولۋ سەبەبى – اتا-انالاردىڭ دۇرىس قاراماۋى بالالارىن، قاراۋسىز قالدىرۋى، ابايسىزدىعى. بارىنشا ايتىپ جاتامىز، ۇگىت-ناسيحات جۇمىستارى جۇرگىزىلىپ جاتادى. ۇيلەردى ارالاعان كەزدە، ءورت قاۋىپسىزدىگى بويىنشا اكسيالار كەزىندە بارىنشا اتا-انالارعا سونى ەسكەرتىپ وتىرامىز. 1 جاستان باستاپ ءجۇرۋدى ۇيرەنگەن بالالار 1 جاستان باستاپ قۇلاۋى مۇمكىن»، - دەيدى ق ر توتەنشە جاعدايلار مينيسترلىگىنڭ رەسمي وكىلى جاننا داۋرەنبەكوۆا.
تەرەزەنىڭ ارعى جاعىنداعى كورىنىس بالالار ءۇشىن قىزىقتى ءارى تاڭسىق دۇنيە. «كىشكەنتاي زەرتتەۋشى» قورشاعان ورتانى تانۋ ماقساتىندا ءتۇرلى ءقاۋىپتى ارەكەتتەرگە بارادى. ويىن بالاسىنىڭ تەرەزەدەن قۇلاۋىنا باستى سەبەپ – وڭاي اشىلاتىن تەرەزە.
ماسەلەن امەريكادا بالالاردىڭ تەرەزەدەن قۇلاۋىنا قارسى ارنايى باعدارلاما بار. وتكەن عاسىردىڭ 70-جىلدارى قولعا الىنعان بۇل جوبا جازاتايىم وقيعالاردىڭ الدىن الۋدى 50 پايىزعا ازايتقان. بۇل تۇرعىدا قازاقستاندىق ساراپشىلار بالالاردىڭ قاۋىپسىزدىگىن قامتاماسىز ەتۋ باعىتىنداعى زاڭدى كۇشەيتۋ كەرەگىن العا تارتادى.
«جۇمىستى قازىردەن باستاۋ كەرەك. شەتەلدىك ارىپتەستەرمەن تاجىريبە الماسۋ قاجەت. بالانىڭ قاۋىپسىزدىگىنە جاۋاپ بەرەتىن بىرنەشە باعىتتاعى ارنايى ۆەدومستۆولاردى ىسكە قوسۋ ماڭىزدى. ولاردىڭ قىزمەتى ناقتى ايقىندالسا، كەلەسى جىلدىڭ سوڭىنا دەيىن ماسەلەنىڭ 70 پايىزى شەشىلەر ەدى»، - دەيدى ق ر بۇۇ بالالار قورىنىڭ بالالار ءومىرى بويىنشا باعدارلاما ۇيلەستىرۋشىسى اننا ستاتيۆكينا.
بيىل ەلىمىزدە ارنايى نورما بەكىتىلدى. ول – بالاباقشا مەن مەكتەپتەردە جانە تۇرعىن ۇيلەردە قۇرىلىس كومپانيالارىنىڭ تەرەزەگە بلوكيراتور ورناتۋىن مىندەتتەيدى.
«مەن مينيسترلىكتەر دەڭگەيىندە ماسەلەنى رەتتەۋگە تىرىستىم. سەبەبى ولاردىڭ اتقارۋشى ورگاندارعا ىقپالى بار. ءقازىر ەرەسەكتەردىڭ نازارىن اۋدارۋ ءۇشىن كوشەنىڭ بارىنە پلاكتتار ءىلىنۋى كەرەك. اقپاراتتاندىرۋ جاعىن كۇشەيتۋىمىز كەرەك. باستىسى – اتا-انالار جاۋاپكەرشىلىكتى سەزىنىپ، بالالارىن قاراۋسىز قالدىرماۋى قاجەت. ازىرگە بالالاردىڭ قاۋىپسىزدىگى ماسەلەسى تولىعىمەن شەشىلمەي تۇر. ارنايى نورما بولعانىمەن، تەرەزە قورعانىشتارىنىڭ ساپاسىن تەكسەرىپ جاتقان ەشكىم جوق. وكىمەت بۇل باعىتتاعى زاڭدى قاتاڭداتسا قۇبا-قۇپ»، - دەيدى «مەيىرىمدىلىك» ەرىكتى قوعامى» قوعامدىق قورىنىڭ ديرەكتورى ارۋجان سايىن.