جىل باسىنان بەرى 799 مىڭنان استام ادام ااك الدى
2021 جىلعى 1 ماۋسىمداعى جاعداي بويىنشا 164،4 مىڭ وتباسىنداعى 799،2 مىڭ ادامعا اتاۋلى الەۋمەتتىك كومەك (بۇدان ءارى – ااك) تاعايىندالدى، دەپ حابارلادى Almaty-Akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ تاراتقان حابارىنا سىلتەمە جاساپ.
اعىمداعى جىلى وسى ماقساتتارعا بيۋدجەتتەن 122،8 ملرد تەڭگە ءبولىندى.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە تابىسى از وتباسىلاردىڭ مەكتەپ جاسىنا تولماعان بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە.
2021 جىلعى 1 ماۋسىمدا ااك الۋشىلار قاتارىنداعى 1 جاستان 6 جاسقا دەيىنگى 196،5 مىڭ بالاعا ازىق-تۇلىك جانە تۇرمىستىق حيميا زاتتارىنىڭ جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك، ااك الۋشىلارعا بۇنىڭ الدىندا، 2020 جىلعى II،III جانە IV توقساندا تج رەجيمى مەن كارانتيندىك شەكتەۋ شارالارىنا بايلانىستى كومەك تاعايىنداۋعا وتىنىشتەرى ۇزارتىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.