2023 جىلدان باستاپ "ءبىر تەرەزە" قاعيداسى بويىنشا قازاقستان ەلشىلىكتەرى ارقىلى قانداس مارتەبەسىن بەرۋ مەحانيزمى ەنگىزىلدى.
ەڭبەك مينيسترلىگى بەس ايدا كەلگەن قانداستاردىڭ سانىن اتادى، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
"2024 جىلدىڭ 1 ماۋسىمىنداعى جاعداي بويىنشا 7 353 ەتنيكالىق قازاق تاريحي وتانىنا ورالدى. جالپى 1991 جىلدان بەرى بارلىعى 1 ميلليون 135،7 مىڭ ەتنيكالىق قازاق ەلگە ورالدى"، - دەلىنگەن حابارلامادا.
سونداي-اق مينيسترلىك ەتنيكالىق قازاقتاردىڭ رەسپۋبليكاعا ورالۋىنا قاتىستى بىرنەشە دەرەك ۇسىندى.
جىل باسىنان بەرى قازاقستانعا كەلگەن قانداستاردىڭ
49،4%-ى قىتايدان،
6،3%-ى – تۇرىكمەنستاننان،
5،4%-ى - موڭعوليادان،
34،4%-ى - وزبەكستاننان،
3،2%-ى - رەسەيدەن،
1،3%-ى باسقا ەلدەردەن كەلگەن.
ەڭبەك مينيسترلىگىنىڭ مالىمەتى بويىنشا ەڭبەككە قابىلەتتى جاستاعى قانداستاردىڭ سانى 59،1%-دى، كامەلەتكە تولماعاندار 31،2%-دى جانە زەينەتكەرلەر 9،7%-دى قۇرايدى.
"ءبىلىم دەڭگەيى بويىنشا ەڭبەككە جارامدى قانداستاردىڭ 16،9%-ى جوعارى، 22،6%-ى ورتا ارناۋلى، 55،3%-ى جالپى ورتا ءبىلىمى بار، 5،2%-ىنىڭ ءبىلىمى جوق"، - دەلىنگەن حابارلامادا.