ەلىمىزدە تەمىرجولدى بەلگىلەنبەگەن جەرلەردەن كەسىپ وتكەن 28 مىڭنان استام ازامات اكىمشىلىك جاۋاپكەرشىلىككە تارتىلدى. بۇل تۋرالى كولىكتەگى پوليسيا دەپارتامەنتى حابارلادى.
جىل باسىنان بەرى تەمىرجولدى رۇقسات ەتىلمەگەن جەرلەردەن كەسىپ وتكەن 28 589 ادامعا اكىمشىلىك جازا قولدانىلعان، ونىڭ ىشىندە ادامداردىڭ جانە جانۋارلاردىڭ قاتىسۋىمەن بولعان 1 161 وقيعا تىركەلدى. وكىنىشكە وراي، 55 ازامات پويىز استىنا ءتۇسىپ، ولاردىڭ جارتىسىنان كوبى قايتىس بولدى.
كولىكتەگى پوليسيا دەپارتامەنتىنىڭ باستىعى باقىتجان مالىبايەۆتىڭ ايتۋىنشا، دەمالىس كۇندەرى جەتىسۋ وبلىسىندا جۇك پويىزى بەلگىلەنبەگەن جەردەن تەمىرجولدى كەسىپ ءوتىپ بارا جاتقان ەر ادامدى قاعىپ كەتىپ، ول العان جاراقاتتارىنان سول جەردە قايتىس بولعان. قازىرگى تاڭدا وسى وقيعاعا بايلانىستى قىلمىستىق ءىس قوزعالىپ، تەرگەۋ امالدارى جۇرگىزىلۋدە.
مالىبايەۆتىڭ ايتۋىنشا، تەمىرجولداعى قايعىلى وقيعالاردىڭ كوپشىلىگى ازاماتتاردىڭ تەمىرجولدا ءجۇرىپ-تۇرۋ ەرەجەلەرىن ساقتاماۋى سالدارىنان ورىن الادى. ول ادامداردى تەمىرجولدىڭ ءقاۋىپتى ايماق ەكەنىن تۇسىنۋگە شاقىرادى.
كولىك پوليسەيلەرى پروفيلاكتيكالىق ءىس-شارالار بارىسىندا ازاماتتارعا تەمىرجول ايماعىندا قاۋىپسىزدىك ەرەجەلەرىن قاتاڭ ساقتاۋدىڭ ماڭىزدىلىعىن ەسكەرتىپ وتىرادى. تەمىرجول توسەمىنەن وتپەس بۇرىن پويىزدىڭ نەمەسە ۆاگونداردىڭ جوقتىعىنا كوز جەتكىزۋ، سونداي-اق، سيگنالدى ەستۋ ءۇشىن قۇلاققاپ پەن باس كيىمدى شەشۋ قاجەتتىلىگى ءجيى ايتىلادى.