مەملەكەتتىك الەۋمەتتىك جاردەماقىلاردىڭ مولشەرى 1 قاڭتاردان باستاپ ۇلعايدى.
جىل باسىنان بەرى مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردى تولەۋگە رەسپۋبليكالىق بيۋدجەتتەن 244 ملرد تەڭگە جۇمسالدى. بۇعان قوسىمشا مەملەكەتتىك الەۋمەتتىك ساقتاندىرۋ قورىنان ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا شامامەن 30،2 ملرد تەڭگە سوماسىنا الەۋمەتتىك تولەمدەر جۇزەگە اسىرىلدى، دەپ حابارلايدى Almaty-akshamhy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
1 شىلدەدەگى جاعداي بويىنشا مۇگەدەكتىگى بويىنشا ءماج الۋشىلار سانى شامامەن 536،2 مىڭ ادامدى، اسىراۋشىسىنان ايىرىلۋ جاعدايى بويىنشا – شامامەن 198،2 مىڭ ادامدى قۇرادى.
مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى وسى جىلعى 1 قاڭتاردان باستاپ ەڭ تومەنگى كۇنكورىس دەڭگەيىنىڭ ۇلعايۋىنا بايلانىستى 8،5%-عا ءوستى، بيىلعى 1 شىلدەدەن باستاپ قوسىمشا ورتا ەسەپپەن 14،5%-عا يندەكستەلدى.
مىسالى، 1 شىلدەدەن باستاپ جالپى اۋرۋدان مۇگەدەكتىگى بويىنشا ءماج مولشەرى 1-توپ ءۇشىن 89 248 تەڭگەنى، 2-توپ ءۇشىن – 71 398 تەڭگەنى، 3-توپ ءۇشىن – 48 681 تەڭگەنى قۇرادى.
بۇدان باسقا، مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا ءماسق-دان الەۋمەتتىك تولەمدەر جۇزەگە اسىرىلادى. ماسەلەن، وسى جىلدىڭ بەس ايىنىڭ قورىتىندىسى بويىنشا 92،2 مىڭ ادام ەڭبەك ەتۋ قابىلەتىنەن ايىرىلۋ بويىنشا الەۋمەتتىك تولەم، ال 59،6 مىڭعا جۋىق وتباسى اسىراۋشىسىنان ايىرىلۋ بويىنشا الەۋمەتتىك تولەم الدى.
1 شىلدەدەگى جاعداي بويىنشا ەڭبەككە قابىلەتتىلىگىنەن ايىرىلۋ بويىنشا الەۋمەتتىك تولەمدەردىڭ ورتاشا مولشەرى 33 454 تەڭگەنى، اسىراۋشىسىنان ايىرىلۋ بويىنشا – 34 423 تەڭگەنى قۇرادى.