بۇل تۋرالى پرەزيدەنت قابىلداۋىندا بولعان باس پروكۋرور بەرىك اسىلوۆ مالىمدەدى.
جىل باسىنان بەرى 10 مىڭنان استام مەملەكەتتىك قىزمەتشى مەن كۆازيمەملەكەتتىك سەكتوردىڭ وكىلدەرى اكىمشىلىك جانە تارتىپتىك جاۋاپقا تارتىلعان، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
پروكۋراتۋرانىڭ ارالاسۋىنان كەيىن 8 ملرد تەڭگەدەن استام قارجى مەملەكەتكە قايتارىلدى. 177 مىڭنان استام ەڭبەك قۇقىعى قالپىنا كەلتىرىلگەن، سونداي-اق 1 ملرد تەڭگەدەي جالاقى قارىزى وتەلگەن. مەملەكەت باسشىسىنا كريمينوگەندىك جاعدايلار جانە ازاماتتاردىڭ كونستيتۋسيالىق قۇقىقتارىن قامتاماسىز ەتۋ ءۇشىن قىلمىستىق-قۇقىقتىق سالادا قابىلدانىپ جاتقان شارالار جونىندە اقپارات بەرىلدى. پروكۋرورلار زاڭسىز ۇستالعان 596 ازاماتتى بوساتقان. بەرىك اسىلوۆ مەملەكەت باسشىسىنا بيزنەستى قورعاۋ، اسىرەسە زاڭسىز قىلمىستىق قۋدالاۋعا جول بەرمەۋ ءۇشىن قابىلدانىپ جاتقان شارالار جونىندە جان-جاقتى باياندادى.