الىپ شاھارىمىزدا جالپىحالىقتىق رەفەرەندۋم قورىتىندىسى تالقىلاندى.
ءىس-شارا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ستۋدەنتتەر مەن پروفەسسور-وقىتۋشىلار ۇجىمى اراسىندا ءوتتى.
شارانىڭ نەگىزگى ماقساتى - ستۋدەنتتەر مەن وقىتۋشىلار اراسىندا اتوم ەنەرگەتيكاسىنىڭ قاۋىپسىزدىگى، ونىڭ ەكولوگيالىق جانە ەكونوميكالىق اسپەكتىلەرىن سارالاۋ. سونداي-اق، ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋدەگى اەس سالۋدىڭ ءرولىن ءتۇسىندىرۋ.
كەزدەسۋ اياسىندا قاتىسۋشىلار قازاقستاندا اەس سالۋعا قاتىستى وتكەن رەفەرەندۋم قورىتىندىسىن تالقىلادى.
«قوعامدىق دامۋدىڭ، سونىڭ ىشىندە سيفرلىق دامۋدىڭ ماڭىزدى بولىگى ەنەرگەتيكا. ءبىز گەوساياساتتا ءوزىمىزدىڭ پوزيسيامىزدى جوعالتپاۋ ءۇشىن ەنەرگەتيكا سالاسىن دامىتۋىمىز كەرەك. سوڭعى 2 جىل بويى حالقىمىز ءوزىنىڭ ساياسي ساۋاتتىلىعىن كورسەتتى. سونىڭ ناتيجەسىن رەفەرەندۋمنىڭ قورىتىندىسىنان بايقاپ وتىرمىز. جالپى بۇل رەفەرەندۋم پرەزيدەنتىمىزدىڭ حالىق ۇنىنە قۇلاق اساتىن مەملەكەت پوزيسياسىنىڭ جارقىن كورىنىسى بولدى. سونداي-اق حالقىمىز بولاشاقتا دامۋىمىزعا ىقپال ەتەتىن ستراتەگياعا داۋىس بەردى. شەتەلدەن كەلگەن ساراپشىلار دا جوعارى باعالارىن بەردى. بۇل ەلىمىزدىڭ دەموكراتيالىق جاعىنان دا كوتەرىلگەنىن كورسەتەدى»، – دەدى قازۇپۋ ساياساتتانۋ كافەدراسىنىڭ مەڭگەرۋشىسى جومارت سيمتيكوۆ.