ءجۋرناليستىڭ جۇمىسىنا كەدەرگى كەلتىرگەندەرگە جاۋاپكەرشىلىك كۇشەيتىلەدى

ءقازىر مۇنداي نورما جوق.

بۇل تۋرالى قۇجات 31 قاڭتارعا دەيىن قوعام تالقىلاۋى ءۇشىن اشىق نقا سايتىنا جاريالانعان، دەپ حابارلايدى Almaty-akshamy.kz

ق ر ءىىم «قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا نورماتيۆتىك-قۇقىقتىق ساياسات بويىنشا كونسۋلتاتيۆتىك-كەڭەس قۇجاتىن ازىرلەدى.

اتاپ ايتقاندا، ءجۋرناليستىڭ زاڭدى كاسىبي قىزمەتىنە كەدەرگى كەلتىرگەنى ءۇشىن جاۋاپكەرشىلىكتى كۇشەيتۋ ۇسىنىلىپ وتىر. اقپارات جانە قوعامدىق دامۋ مينيسترلىگىنىڭ تۇسىندىرۋىنشە، ءقازىر مۇنداي نورما جوق.

كەيىنگى 5 جىلدا ق ر قىلمىستىق كودەكسىنىڭ 158-بابى بويىنشا (ءجۋرناليستتى اقپاراتتى تاراتۋعا ماجبۇرلەۋ نەمەسە تاراتۋدان باس تارتۋ ارقىلى ونىڭ زاڭدى كاسىبي قىزمەتىنە كەدەرگى جاساۋ، جۋرناليسكە زاڭدى كاسىپتىك قىزمەتتى جۇزەگە اسىرۋعا كەدەرگى كەلتىرەتىن جاعداي جاساۋ نەمەسە ونى بۇل مۇمكىندىكتەن تولىق ايىرۋ) بار بولعانى 9 سوتقا دەيىنگى تەرگەۋ فاكتىسى تىركەلگەن. قۇقىق قولدانۋ تاجىريبەسى ەڭ اۋەلى اكىمشىلىك جاۋاپكەرشىلىكتى قوسىمشا ەنگىزۋ قاجەت ەكەنىن كورسەتەدى.

وسىعان بايلانىستى اكىمشىلىك كودەكسكە ءجۋرناليستىڭ زاڭدى كاسىبي قىزمەتىنە كەدەرگى كەلتىرگەنى ءۇشىن جاۋاپكەرشىلىكتى كوزدەيتىن نورمانى تولىقتىرۋ ۇسىنىلىپ وتىر. بۇل نورما ق ر قىلمىستىق كودەكسىنىڭ 158-بابىنىڭ ءبىرىنشى بولىگىن «قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى» كودەكسىنە اۋىستىرۋ ارقىلى جۇزەگە اسادى.