قازاقستان جۋرناليستەر وداعىنىڭ جەتەكشىسى سەيىتقازى ماتايەۆ يگى ءىستى قولدايتىنىن ايتتى، دەپ حابارلايدى Almaty-akshamy.kz.
«بۇگىن ماعان تۇسكە دەيىن «الماتى اقشامى» جانە «ۆەچەرنيي الماتى» گازەتتەرىنىڭ قۇرىلتايشىسى بولىپ كەلەتىن «Alatay Aqparat» ءجشس-تىڭ باس ديرەكتورى تەلەفون ارقىلى حابارلاسىپ، چەللەندج وتكىزگىسى كەلەتىنىن ايتتى. سەبەبى الماتىدا اعاشتار قۋراپ بارادى. مەن ءوز باسىم كۇندە ۆەلوسيپەدپەن جۇرەمىن، ءوز كوزىممەن كورىپ ءجۇرمىن، اعاشتار قۋراپ جاتىر. ول اعاشتاردى سۋعارۋ شاراسىن وتكىزگەننەن كەيىن چەللەندجدى جۋرناليستەر وداعىنا جىبەرەتىنىن ايتتى. وزدەرىڭىز كوردىڭىزدەر، مەن ءبىزدىڭ نۇرلىبايەۆ كوشەسىندەگى اعاشتاردى سۋعاردىم. ەندى بۇل جاقسى باستامانى جالعاستىرۋ ءۇشىن بۇل شاراعا جازۋشىلار وداعىنىڭ جەتەكشىسى ۇلىقبەك ەسداۋلەتتى شاقىرامىن. جازۋشىلار وداعىنىڭ كەرەمەت ساياباعى بار، جالپى، عيمارات ماڭىندا دا اعاشتار جەتەرلىك. كوپ راحمەت، بۇل جاقسى باستاما، مەن قولدايمىن!»، – دەدى سەيىتقازى ماتايەۆ.