پسيحولوگتاردىڭ پىكىرىنشە، مۋزىكا ادامعا ءوز ماقساتتارىنا قول جەتكىزۋگە جانە وز-وزىنە دەگەن سەنىمىن ارتتىرۋعا كومەكتەسەدى.
اۋەننىڭ اسەرىنەن گۇل تەز وسەدى دەسەدى. مۋزىكانتتاردىڭ ەستۋ قابىلەتى جاي ادامدارعا قاراعاندا جوعارى بولادى ەكەن. ادامنىڭ جۇرەگى تىڭداپ وتىرعان مۋزىكاسىنىڭ ىرعاعىمەن بىردەي سوعادى. مۋزىكا جىلاپ جاتقان نارەستەنى بىردەن تىنىشتاندىرادى. سپورتپەن شۇعىلدانۋ كەزىندە اۋەن تىڭداۋ توزىمدىلىكتى ارتتىرادى دەسەدى. ەجەلگى ەگيپەتتە مۋزىكانىڭ كومەگىمەن جۇيكە اۋرۋلارىن جانە ۇيقىسىزدىقتى ەمدەگەن. ايگىلى «بيتلز» توبىنىڭ انشىلەرى بىردە-بىر نوتا بىلمەگەن. ەلەكتروگيتارانى ويلاپ تاپقان لەو فەندەر دەگەن ونەرتاپقىش ءتىپتى سول اسپاپتى تارتىپ كورمەگەن دەسەدى. اتاقتى كومپوزيتور بەتحوۆەن مۋزىكا شىعارار الدىندا باسىن سالقىن سۋعا سالىپ وتىراتىن بولعان. زەرتتەۋلەرگە سۇيەنسەك، روك-انشىلەر ومىردەن ەرتە وتەدى ەكەن.
مۋزىكانى قوسىپ قويساڭىز، سيىر كوبىرەك ءسۇت بەرەدى دەيدى، اۋىلدىڭ كەلىنشەكتەرى سىناپ كورسە بولادى ەكەن. ادام جۇمىس ىستەپ جاتقاندا ءان تىڭداپ جۇرەتىن بولسا، بۇلشىق ەتتىڭ جۇمىس قابىلەتىن ەكى ەسە ارتتىرادى ەكەن. كەيبىر اۋەندەر وپەراسيا ۇستەلىندە جاتقان پاسيەنتتىڭ اۋرۋىن سەزدىرمەيتىن كۇشكە يە بولا الادى ەكەن. جاعىمدى مۋزىكا ادامنىڭ ەستە ساقتاۋ قابىلەتىن ارتتىرادى دەسەدى.
ازىرلەگەن نۇر جامال.