18،5 مىڭ ازاماتقا تولەم العاش رەت تاعايىندالدى.
جۇمىسىنان ايرىلىپ قالعان قازاقستاندىقتار مەملەكەتتەن الەۋمەتتىك كومەك الدى، دەپ حابارلايدى Almaty-akshamy.kz.
«2022 جىلعى 1 ناۋرىزداعى جاعداي بويىنشا، مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى الەۋمەتتىك تولەم الۋشىلاردىڭ سانى 25،2 مىڭ ادامدى قۇرادى. بۇل رەتتە وسى جىلى 18،5 مىڭ ازاماتقا تولەم العاش رەت تاعايىندالدى»، - دەلىنگەن ەبەكمينى باسپا ءسوز قىزمەتىنىڭ حابارلاماسىندا.
قولدانىستاعى زاڭناماعا سايكەس، جۇمىستان بوساتىلعان قىزمەتكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان تابىستىڭ 40%-نا دەيىنگى مولشەردە ءماسق قاراجاتى ەسەبىنەن جۇزەگە اسىرىلادى.
جۇمىستان بوساتىلعان قىزمەتكەرگە تولەم تاعايىنداۋ ءۇشىن:
- eGov.kz پورتالدا اۆتوريزاسيالانۋ؛
- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەپ جۇرگەن ادامداردى تىركەۋ» قىزمەتىن تاڭداۋ؛
- ونلاين-قىزمەتكە تاپسىرىس بەرىپ، بارلىق جولداردى تولتىرۋ جانە ەسق-مەن قول قويۋ ارقىلى ءوتىنىمدى جىبەرۋ قاجەت؛
- ءبىر كۇن ىشىندە ءوتىنىش بەرۋشىنىڭ تۇرعىلىقتى جەرى بويىنشا جۇمىسپەن قامتۋ ورتالىعى (بۇدان ءارى – حجقو) بوس جۇمىس ورىندارىن ۇسىنادى؛
- ەگەر جۇمىس تابىلماسا، 3 كۇن ىشىندە قاشىقتىقتان جۇمىسسىز مارتەبەسى بەرىلەدى (قاجەت بولعان جاعدايدا قوسىمشا اقپارات جيناۋ ءۇشىن ءوتىنىش بەرۋشىمەن حجقو قىزمەتكەرى حابارلاسادى).
بۇل قىزمەتتى ونلاين رەجيمىندە ەلەكتروندىق ەڭبەك بيرجاسى (enbek.kz) ارقىلى دا الۋعا بولادى.
جۇمىسسىز رەتىندە تىركەلگەنى تۋرالى مالىمەتتەر بولعان كەزدە ەڭبەكمينىنىڭ اقپاراتتىق جۇيەسى پرواكتيۆتى فورماتتا ءماسق-تان تولەم تاعايىنداۋ بويىنشا قىزمەت كورسەتۋگە كەلىسىم بەرۋ ءۇشىن ۇيالى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ەستەرىڭىزگە سالا كەتەيىك، ءماسق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان بوساتىلۋ سەبەپتەرىنە قاراماستان جۇزەگە اسىرىلادى جانە جۇمىسسىز ادام جۇمىس ىزدەپ جۇرگەن كەزەڭدە ونى قولداۋعا ارنالعان.
بۇدان بۇرىن حابارلانعانداي، ق ر ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسى ارقىلى حالىقتى جۇمىسپەن قامتۋ ورتالىقتارىنىڭ قاشىقتىقتان قىزمەت كورسەتۋ فۋنكسيونالىن ىسكە قوستى.
بۇل جۇمىسسىزداردى تىركەۋ جانە جۇمىسپەن قامتۋدى قولداۋ بويىنشا مەملەكەتتىك قىزمەتتەردى، ونىڭ ىشىندە جۇمىسىنان ايىرىلۋ بويىنشا الەۋمەتتىك تولەمدەردى الۋ راسىمدەرىن جەڭىلدەتۋگە مۇمكىندىك بەردى. ەندى بارلىعىن تەك ينتەرنەت، كومپيۋتەر جانە ەلەكتروندىق سيفرلىق قولتاڭبا ارقىلى عانا جاساۋعا بولادى.