جۇمىسسىز جاستار نەگە كوپ؟

 قازاقستاندا جۇمىسسىز جۇرگەن جاستار سانى 72،2 مىڭدى قۇرادى

وسى جىلدىڭ ءۇشىنشى توقسانىنىڭ قورىتىندىسىنا سايكەس، ەلىمىزدەگى جۇمىسسىز جاستار سانى 72،2 مىڭدى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 6،9%-عا از، دەپ حابارلايدى Almaty-akshamy.kz Inbusiness.kz سىلتەمە جاساپ.

جۇمىسسىز ەرلەر سانى 28،1%-عا ازايسا، ال جۇمىسى جوق ايەلدەر سانى 10،9%-عا ارتقان.

بىلتىرعى ستاتيستيكاعا كوز جۇگىرتسەك، 29 جاسقا دەيىنگى 77،5 مىڭ ادامنىڭ جۇمىسى بولماعان. ولاردىڭ سانى ءۇشىنشى جىل قاتارىنان ازايىپ وتىر.

رەسپۋبليكا بويىنشا جۇمىسسىز جاستاردىڭ باسىم بولىگى الماتى قالاسىندا تۇرادى (12،5 مىڭ ادام). انتيليدەرلەر ۇشتىگىندە استانا (7،8 مىڭ ادام) جانە تۇركىستان وبلىسى (6،7 مىڭ ادام) بار. ال، ەڭ تومەن كورسەتكىش ۇلىتاۋ وبلىسىندا تىركەلدى(665 ادام).

جۇمىسسىز جۇرگەن جاستاردىڭ كوبى 1 ايدان 3 ايعا دەيىن جۇمىس ىزدەدى (20،9 مىڭ ادام).

ءبىر ايدان از ۋاقىت جۇمىس ىزدەگەندەر سانى 16،4 مىڭ ادامعا دەيىن ارتتى.

بۇدان بولەك 18،5 مىڭى 3 ايدان 6 ايعا دەيىن، 7،5 مىڭى جارتى جىلدان ءبىر جىلعا دەيىن، ال 8،8 مىڭى ءبىر جىلدان استام ۋاقىت جۇمىس ىزدەدى.