قازاقستان رەسپۋبليكاسىنىڭ پرەزيدەنتى ق. ك. توقايەۆ 2025 جىلدى «جۇمىسشى ماماندىقتار جىلى» دەپ جاريالاپ، تەحنيكالىق جانە كاسىپتىك ءبىلىم بەرۋ جۇيەسىن رەفورمالاۋ قاجەتتىگىن ايتتى. وسى ارقىلى جۇمىسشى ماماندىقتارىنىڭ قوعامداعى بەدەلىن كوتەرۋ، ەڭبەك نارىعىنداعى تاپشىلىقتى جويۋ جانە جاستاردى ەڭبەكقور، ناعىز مامان بولۋعا تارتۋ كوزدەلگەن.
قازاقستاندا جۇمىسشى ماماندىقتارى بۇرىن-سوڭدى تومەن باعالانعان ەدى، الايدا قازىرگى تاڭدا بۇل ماماندىقتاردىڭ ماڭىزى ارتىپ، سۇرانىس وسۋدە. تەحنيكالىق جانە كاسىبي ءبىلىم بەرۋ جۇيەسىندە وڭ وزگەرىستەر بايقالىپ وتىر، اسىرەسە يندۋستريا، اۆتوماتتاندىرۋ جانە جاساندى ينتەللەكتتىڭ دامۋى بۇل ماماندىقتارداعى قاجەتتى داعدىلار مەن تالاپتاردى وزگەرتۋدە.
الماتى ءسان جانە قىزمەت كورسەتۋ سالاسى كوللەدجى قازىرگى تاڭدا دۋالدى وقىتۋ جۇيەسىنە 100 پايىز كوشكەن ەلىمىزدەگى الدىڭعى قاتارلى وقۋ ورىندارىنىڭ ءبىرى. دۋالدى وقىتۋ جۇيەسى ءبىلىم الۋشىلارعا ناقتى ءوندىرىس جاعدايلارىندا جۇمىس ورنىندا تاجىريبە جيناقتاۋعا مۇمكىندىك بەرەدى. بۇل جۇيە بويىنشا كوللەدجدە ءتورت ماماندىق بويىنشا ءبىلىم بەرىلەدى:
- تىگىن ءوندىرىسى جانە كيمىدەردى مودەلدەۋ
- كيىم ديزاينى
- شاشتاراز ونەرى
- تاماقتاندىرۋدى ۇيىمداستىرۋ
دۋالدى وقىتۋ جۇيەسىنىڭ ارتىقشىلىقتارى:
- جوعارى جۇمىسقا ورنالاسۋ كورسەتكىشى: وقۋ بارىسىندا وندىرىستىك تاجىريبە جيناقتايتىن ءبىلىم الۋشىلار جۇمىس بەرۋشىنىڭ تالاپتارىنا ساي بىلىكتى مامانعا اينالادى.
- پسيحولوگيالىق دايىندىعى جوعارى ماماندار: وندىرىستە جۇمىس ىستەپ، جاڭا ورتاعا بەيىمدەلگەن ءبىلىم الۋشى ءوز مىندەتتەرىن جاۋاپكەرشىلىكپەن ورىندايدى.
- تەوريا مەن تاجىريبەنىڭ ۇيلەسىمى: تەوريالىق ءبىلىم تەك ماتىندەرمەن شەكتەلمەي، ناقتى وندىرىستىك جاعدايلار ارقىلى تاجىريبە الىنادى.
- جۇمىس بەرۋشىنىڭ باعاسى: وندىرىستىك تاجىريبە كەزىندە ءبىلىم الۋشى ءوز بىلىكتىلىگىن جانە ىنتاسىن كورسەتەدى.
- زاماناۋي ءبىلىم مەن داعدىلار: ءبىلىم الۋشىلار وندىرىستەگى سوڭعى جاڭالىقتاردى مەڭگەرىپ، زاماناۋي تالاپتارعا ساي بىلىكتى مامان بولىپ شىعادى.
دۋالدى وقىتۋ جۇيەسى ءبىلىم الۋشىلارعا كاسىبي داعدىلاردى ناقتى وندىرىستىك ورتادا ۇيرەنۋگە مۇمكىندىك بەرەدى، بۇل ولاردىڭ ەڭبەك نارىعىنا دايىن بولۋىنا جول اشادى. الماتى ءسان جانە قىزمەت كورسەتۋ سالاسى كوللەدجىنىڭ باستى ماقساتى – ساپالى ءبىلىم بەرۋ ارقىلى ەلىمىزدىڭ بولاشاعى ءۇشىن ءبىلىمدى، بىلىكتى جانە وتان سۇيگىش ۇرپاقتى تاربيەلەۋ.