ەلىمىزدە 2025 جىل «جۇمىسشى ماماندىقتار جىلى» دەپ جاريالاندى. وسى ورايدا 2025 جىلدىڭ 5-31 تامىز ارالىعىندا الماتى مۋزەيىندە «ەر داۋلەتى – ەڭبەك» اتتى كورمەسى وتەدى، - دەپ حابارلايدى اqshamnews.kz ءتىلشىسى.
كورمەنىڭ ماقساتى – قازاقستاننىڭ جەڭىل جانە اۋىر ونەركاسىبىنىڭ تاريحىنا شولۋ جاساپ، جۇمىسشى ماماندىقتارىنىڭ ماڭىزىن كورسەتۋ، سونداي-اق كەلەشەك ۇرپاقتىڭ كاسىپتىك باعدارىن قالىپتاستىرۋعا ىقپال ەتۋ.
كورمە ەكسپوزيسياسىنا الماتى قالاسى تاريحى مۋزەيى قورىنان الىنعان، الماتى ماقتا-ماتا كومبيناتى (احبك)، الماتى ءۇي قۇرىلىسى كومبيناتى (ادك)، جەتىسۋ اياق-كيىم فابريكاسى، الماتى كەراميكالىق زاۋىتى، الماتى اۋىر ماشينا جاساۋ زاۋىتى (ازتم)، تاماق ونەركاسىبى سالاسى: شاي، نان، كونديتەرلىك ونىمدەر الماتى گالانتەرەيا فابريكاسى، الماتى مەتروپوليتەنىنىڭ جانە باسقا دا ونەركاسىپ سالاسىنىڭ جۇمىسشىلارىنىڭ جۇمىس كيىمدەرى، قۇرال-سايماندارى، ارحيۆتىك فوتوسۋرەتتەرى، جۇمىسشىلاردىڭ مەدالدارى مەن ماراپاتتارى جانە ت.ب. ءتۇپنۇسقا مۋزەي جادىگەرلەرى كورەرمەن نازارىنا ۇسىنىلادى.
ەكسپوزيسيا اياسىندا جۇمىسشى ماماندىقتارىنىڭ دامۋ تاريحى، ءوندىرىس مادەنيەتى جانە ەڭبەك ادامىنىڭ قوعامداعى ورنىنا ەرەكشە نازار اۋدارىلادى. بۇل كورمە ەڭبەككە دەگەن قۇرمەتتى ارتتىرىپ، وندىرىستىك مۇرانى باعالاۋعا باعىتتالعان ماڭىزدى مادەني شارا.
كورمە تامىز ايىنىڭ سوڭىنا دەيىن جالعاسادى.
وتەتىن ورنى: قابانباي باتىر كوشەسى، 132
سايت: https://almatymuseums.kz/
Instagram: @almatymuseums
بايلانىس تەلەفونى: 8708 820 61 79