2023 جىلدىڭ 1 ناۋرىزىنان باستاپ قازاقستاندا جۇمىسقا جالداۋ ەرەجەلەرىنە وزگەرىستەر ەنگىزىلگەن ەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
وزگەرىستەر سىبايلاس جەمقورلىققا قارسى كۇرەسكە باعىتتالعان بولاتىن. ەندى جۇمىس بەرۋشى ۇمىتكەردىڭ سىبايلاس جەمقورلىق قىلمىسىنا قاتىسى بار-جوعىن انىقتاي الادى. مۇنداي اقپاراتتى الۋ ءۇشىن كومپانيالار مەملەكەتتىك قۇقىقتىق ستاتيستيكانىڭ قۇزىرەتتى ورگانىنا جۇگىنە الادى. سونداي-اق "ەلەكتروندىق ۇكىمەت" پورتالىن نەمەسە HR digital سەرۆيسىن پايدالانا الادى.
ايتا كەتەيىك، جۇمىس بەرۋشى سىبايلاس جەمقورلىق قىلمىسى تۋرالى دەرەكتەردى جانە جالپى باسقا دا اقپاراتتى جۇمىس ىزدەنۋشىنىڭ جازباشا كەلىسىمى بولعان جاعدايدا عانا الا الادى. ال جەكە تۇلعالار بۇل انىقتامانى ونلاين تۇردە eGov پورتالىنان جۇكتەپ الۋىنا بولادى.
ەسكە سالا كەتەيىك، جۇمىسقا تۇرىپ، ەڭبەك شارتىن جاساۋعا كەلەسى قۇجاتتار قاجەت:
- جەكە كۋالىك نەمەسە پاسپورت (16 جاسقا تولماعاندار ءۇشىن تۋۋ تۋرالى كۋالىك)؛
- ازاماتتىعى جوق تۇلعالار ءۇشىن تۇرۋعا ىقتيارحات نەمەسە كۋالىگى (قازاقستان اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدار ءۇشىن)؛
- ءتيىستى ءبىلىمدى، بىلىگى جانە داعدىنى تالاپ ەتەتىن جۇمىسقا ورنالاسۋدا ەڭبەك شارتىن جاساسۋ كەزىندە ءبىلىمى، بىلىكتىلىگى، ارنايى ءبىلىمىنىڭ نەمەسە كاسىپتى؛
- دايارلىعىنىڭ بولۋى تۋرالى قۇجات؛
- ەڭبەك قىزمەتىن راستايتىن قۇجات (ەڭبەك ءوتىلى بار تۇلعالار ءۇشىن)؛
- الدىن الا مەديسينالىق كۋالاندىرۋدان وتكەنى تۋرالى قۇجات (مەد.انىقتاما 086-ۋ)؛
- كەيبىر جاعدايدا سوتتالماعاندىعى تۋرالى انىقتاما تالاپ ەتىلۋى مۇمكىن (ونى ونلاين الۋعا بولادى).