بيىلعى جىلدىڭ قاڭتار-شىلدە ايلارىندا ەلدە فەرمەرلەر 2،6 ميلليارد جۇمىرتقا الدى، بۇل وتكەن جىلدىڭ سايكەس كەزەڭىمەن سالىستىرعاندا 10،3%-عا از، دەپ حابارلايدى aqshamnews.kz.
ەلىمىز بويىنشا ءتىزىم باسىندا اقمولا وبلىسى تۇر. بۇل وڭىردە - 404،6 ميلليون جۇمىرتقا ءوندىرىلدى. وتكەن جىلمەن سالىستىرعاندا 5،3%-عا از. جۇمىرتقا ءوندىرۋ جاعىنان العاشقى ۇشتىككە قاراعاندى وبلىسى (375،4 ميلليون جۇمىرتقا، مينۋس 5،4%) جانە سولتۇستىك قازاقستان وبلىسى (350،9 ميلليون جۇمىرتقا، مينۋس 14،5%) كىرەدى.
الىنعان جۇمىرتقالاردىڭ باسىم بولىگى قوعامدىق تاماقتانۋ ورىندارى مەن ساۋدا جەلىلەرى ارقىلى ساتىلعان - 1،9 ميلليارد جۇمىرتقا. وڭدەۋ كاسىپورىندارى ارقىلى 2،7 ميلليون جۇمىرتقا، ال 10،9 ميلليون جۇمىرتقا ەكسپورتقا جونەلتىلگەن. وندىرىستىك تۇتىنۋعا 112،9 ميلليون جۇمىرتقا، ال تاعامدىق ماقساتتا وڭدەۋگە 7 ميلليون جۇمىرتقا جىبەرىلگەن.