جۇمىرتقا – جوعارى اللەرگەندى ءونىم.
گاستروەنتەرولوگ ليۋدميلا سۋحورۋكوۆا اللەرگياسى بار ادامدارعا، سونداي-اق حولەستەريننىڭ جوعارى دەڭگەيىنە نەمەسە اسقازان-ىشەك جولدارىنىڭ قابىنۋى كەزەڭىندەگى پانكرەاتيتپەن اۋىراتىندارعا جۇمىرتقا جەۋدەن باس تارتۋدى ۇسىندى، دەپ حابارلايدى aqshamnews.kz ريا نوۆوستي-گە سىلتەمە جاساپ.
مامان جۇمىرتقانىڭ جوعارى اللەرگەندى ءونىم ەكەنىن اتاپ ءوتتى. اسىرەسە تاۋىق اقۋىزىندا اللەرگياسى بار ناۋقاستارعا قارسى كورسەتپە بار. سونىمەن قاتار، باۋىر جانە ءوت اۋرۋلارى بار ادامدارعا جۇمىرتقانى ابايلاپ جەۋ كەرەك. سەبەبى سارىسى ءوت ءبولۋدى ىنتالاندىرىپ، ءوت تاستارى اۋرۋىنىڭ اسقىنۋىن تۋىنداتۋى مۇمكىن.
«جۇمىرتقانى حولەستەرين دەڭگەيى جوعارى ادامدارعا جەۋگە بولمايدى. سەبەبى وندا حولەستەرين بار. دەگەنمەن ول لەسيتينمەن تەڭەستىرىلگەن. دەنى ساۋ ادام ءۇشىن جۇمىرتقا نەگاتيۆتى اسەر ەتپەيدى. سەبەبى لەسيتين حولەستەريننىڭ تامىرلار قابىرعالارىنا جينالۋىنا جول بەرمەيدى. الايدا ناۋقاس ادامعا جۇمىرتقانىڭ سارىسىن وتە ابايلاپ جەۋ قاجەت، -دەدى دارىگەر.
سونداي-اق سۋحورۋكوۆا قانت ديابەتىمەن اۋىراتىندارعا دا جۇمىرتقانى ابايلاپ جەۋگە كەڭەس بەردى. سەبەبى ولاردىڭ تامىرلارى ادەتتە قانتتان زاقىمدالعان. سوندىقتان اتەروسكلەروزدىڭ دامۋ ءقاۋپى ايتارلىقتاي جوعارى.