اۋىل شارۋاشىلىعى مينيسترلىگى، ساۋدا جانە ينتەگراسيا مينيسترلىگى، قۇس وسىرۋشىلەر وداعى، جۇمىرتقا وندىرۋشىلەردىڭ سالالىق قاۋىمداستىعى جانە ساۋدا جەلىلەرى وداعى الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ شارالارىن جۇزەگە اسىرۋداعى ىنتىماقتاستىق تۋرالى مەموراندۋمعا قول قويدى، دەپ حابارلايدى aqshamnews.kz.
مەموراندۋمنىڭ نەگىزى - تاراپتاردىڭ باعا تۇراقتىلىعىن قامتاماسىز ەتۋگە دەگەن ءوزارا مۇددەلىلىگى مەن بيزنەستىڭ الەۋمەتتىك جاۋاپكەرشىلىگىن ارتتىرۋ.
جەرگىلىكتى وندىرۋشىلەردى قورعاۋ ءۇشىن اۋىل شارۋاشىلىعى مينيسترلىگى تاعامدىق جۇمىرتقانى اكەلۋگە شەكتەۋ ەنگىزۋ ماسەلەسىن قارايدى جانە سيم-مەن بىرلەسىپ سۇر يمپورتتى تاعامدىق جۇمىرتقانى ساتۋعا جول بەرمەۋ بويىنشا باقىلاۋ شارالارىن قابىلدايدى.
قۇس وسىرۋشىلەر وداعى مەن قاۋىمداستىق قۇس فابريكالارىنىڭ قويمالارىنان، سونداي-اق ولاردىڭ فيرمالىق دۇكەندەرىنەن ساتۋ باعاسىنىڭ تۇراقتىلىعىن قامتاماسىز ەتۋگە مىندەتتەمە الدى.
ءوز كەزەگىندە، ساۋدا جەلىلەرى وداعى ساۋدا جەلىلەرىنىڭ قولدانىستاعى زاڭناماعا سايكەس شەكتى ساۋدا ۇستەمەسىنىڭ مولشەرىن ساقتاۋىن قامتاماسىز ەتەدى جانە وسى ساناتتاعى جۇمىرتقالاردى ساتۋ بويىنشا سىياقىنى ءوندىرىپ الۋ فاكتىلەرىنە جول بەرمەيدى.