ۇكىمەت ينفلياسيانى تومەندەتۋ ءۇشىن نە ىستەپ جاتىر؟
بۇل سۇراققا ساۋدا جانە ينتەگراسيا ءمينيسترى سەرىك جۇمانعارين جاۋاپ بەردى، دەپ حابارلايدى Almaty-akshamy.kz
سەرىك جۇمانعارين مينيسترلەر كابينەتى بىلتىر جىل بويى قارجى رەسۋرسىن ءبىرشاما شوعىرلاندىرعانىن ايتتى.
«ءبىز شامامەن 100 ميلليارد تەڭگە جينادىق، قانت باعاسىن جابۋ ءۇشىن قانتقا 25 ميلليارد تەڭگە بولدىك. جاقىن ارادا ءتورتىنشى قانت زاۋىتى ىسكە قوسىلادى، ول كوپتەن بەرى تۇرىپ، جاڭعىرتىلدى... ءبىز قالعان قاراجاتقا كارتوپ، ءسابىز، پياز، قىرىققابات ساتىپ الىپ، ونى اقپان-مامىر ارالىعىندا قازاقستاندىقتاردىڭ سۇرانىسىن قاناعاتتاندىرۋعا جەتكىلىكتى كولەمدە جۇمسادىق. ونىمدەرىمىز وتە كوپ. تۇراقتاندىرۋ قورلارىنىڭ ءونىمىن كەڭەيتۋ ءقازىر اكىمدىكتەرگە بەلگىلەگەن باعا بويىنشا باستالىپ جاتىر. مۇنداي باعا ينفلياسيانى تومەندەتۋگە كومەكتەسەدى»، - دەدى ول.
ول حالىقتىڭ ينفلياسيالىق بولجامى تاۋارلار مەن ازىق-تۇلىك قۇنىنا اسەر ەتەتىنىن مالىمدەدى.
«ءقازىر بۇل سالادا ارەكەت ەتەتىن بىردەن-بىر تەندەنسيا - حالىقتىڭ ينفلياسيالىق بولجامى. باسقا ەشتەڭە جوق. ال ونى ساۋداگەرلەر، ساتۋشىلار پايدالانادى، باعانى ۇنەمى كوتەرىپ وتىرادى. سوندىقتان ءبىز ءقازىر بۇل ءونىم ماسساسىن 704 ساۋدا ورنى ارقىلى تاراتىپ جاتىرمىز. مىندەتتى تۇردە كاسساسى بار ساۋدا نۇكتەلەرىندە باعا باقىلانادى، ءبىزدىڭ ساۋدا بولىمشەلەرى باعانى كۇنىنە ءۇش رەت تۇسىرەدى، باقىلايدى. ساپاسى جاقسى پيازدى 130 تەڭگەدەن ساتادى. ونى قاپتاپ ساتىپ الۋدىڭ قاجەتى جوق. بۇرىنعىداي بىر-ەكى كەلى ساتىپ الۋعا بولادى. ءقازىر كۇرىشتىڭ باعاسىن ءتۇسىرىپ جاتىرمىز، قىزىلوردا وبلىسىنىڭ اكىمى وسىلاي ىستەپ جاتىر، مەموراندۋمعا قول قويدىق. الەۋمەتتىك ماڭىزى بار 19 ءونىم بويىنشا ءبىز بۇگىن كەز كەلگەن توسىنسىيعا دايىنبىز، الاڭداۋعا ەش نەگىز جوق»، دەدى مينيستر.
جالپى ءمينيستردىڭ ايتۋىنشا، ساۋدا جانە ينتەگراسيا مينيسترلىگىنىڭ مىندەتى – ەڭ اۋەلى تاپشىلىقتىڭ الدىن الۋ. ەكىنشىدەن، باعانى تۇراقتى ەتۋ. ال ءۇشىنشىسى - مۇمكىن بولسا، تومەندەۋ ءۇردىسىن قۇرۋ.
«ءبىز اقپان-ناۋرىز ايلارىندا ودان ءارى تومەندەۋ تەندەنسياسىن كورسەتۋىمىز كەرەك. حالىققا ءوندىرىس جەتكىلىكتى ەكەنىن جانە دۇربەلەڭگە سالىنۋدىڭ قاجەتى جوق ەكەنىن تۇسىندىرەيىك... بىزدە ءونىم كوپ»، - دەدى سەرىك جۇمانعارين.