قارسىلاس - برازيليالىق فەليپە بۋنەس
قازاقستاندىق جالعاس جۇماعۇلوۆتىڭ (14-8) UFC-دەگى كەلەسى قارسىلاسى بەلگىلى بولدى، دەپ حابارلايدى Almaty-akshamy.kz Vesti.kz-كە سىلتەمە جاساپ.
ينسايدەر يگور ءلازوريننىڭ مالىمەتىنشە، قارسىلاس - برازيليالىق فەليپە بۋنەس. بۇل ايقاس 17 ماۋسىمعا جوسپارلانعان.
بۋنەس 33 جاستا، LFA ليگاسىندا ونەر كورسەتكەن، رەكوردى 13-6. سونىمەن بىرگە، ول اسا پروموۋشەنىندە دە جۇدىرىقتاسقان، وندا ءبىر رەت جەڭىپ، ءۇش جەڭىلگەن ەكەن.
ەسكە سالايىق، جالعاس وزگە برازيليالىق رافاەل ەستيەۆامەن ايقاسۋ كەرەك بولعان، الايدا ول سالماق ءتۇسىرۋ كەزىندە قيىندىقتارعا تاپ بولىپتى. وسىدان 6 مامىرعا بەلگىلەنگەن جەكپە-جەك وتپەي قالدى. ال ءاۋ باستا ەستيەۆاماعا دەيىن جۇماعۇلوۆ امەريكالىق نەيت مانەسسپەن جەكپە-جەككە شىعۋ كەرەك ەدى، ول بولسا جاراقات الىپ قالىپ، باس تارتتى.
الداعى كەزدەسۋ - جالعاس ءۇشىن UFC-مەن كەلىسىمشارت بويىنشا سوڭعىسى.