بۇل تۋرالى الماتى قالالىق №16 ەمحانانىڭ گينەكولوگيا بولىمشەسىنىڭ مەڭگەرۋشىسى ايتىپ بەردى.
قازاقستان رەسپۋبليكاسىنىڭ تۇرعىندارى اراسىندا تۇماۋدىڭ جانە باسقا دا ءجىتى رەسپيراتورلىق ۆيرۋستىق ينفەكسيالاردىڭ تارالۋىنىڭ الدىن الۋ ماقساتىندا 2023 جىلعى 1 قازاننان باستاپ تۇماۋعا قارسى يممۋنداۋ ناۋقانى جۇرگىزىلۋدە، دەپ حابارلايدى Almaty-akshamy.kz.
«جۇكتىلىك ۆاكسيناسياعا قارسى كورسەتكىش بولىپ تابىلمايدى. جۇكتى ايەلدەر مەن بوسانعاننان كەيىنگى ايەلدەر رەسپيراتورلىق ينفەكسيالاردىڭ قولايسىز اعىمى ءۇشىن جوعارى ءقاۋىپ توبىنا كىرەدى، ولاردىڭ اراسىندا تۇماۋ مەن جرۆي كەڭ تارالعان اۋرۋلار بولىپ تابىلادى، كوبىنە جۇكتى ايەل مەن ونىڭ ىشىندەگى بالاسى ءۇشىن اسقىنۋلاردىڭ پايدا بولۋ ءقاۋپىن تۋدىرادى»، - دەپ بەلگىلەپ ءوتتى گينەكولوگيا بولىمشەسىنىڭ مەڭگەرۋشىسى اننا ۆەرشينينا.
جۇكتى ايەلدەردى تۇماۋعا قارسى ۆاكسيناسيالاۋ ەۋروپا مەن امەريكانىڭ كوپتەگەن ەلدەرىندە 20 جىلدان استام ۋاقىت بويى جۇرگىزىلىپ كەلەدى، ونىڭ يممۋنولوگيالىق تيىمدىلىگى 70-85%-عا جەتەدى. جۇكتى ايەلدەردى تۇماۋعا قارسى ۆاكسيناسيالاۋ كەزىندە، ەڭ الدىمەن، ايەل ناۋقاس اداممەن ەپيدەميالىق بايلانىستا بولعان جاعدايدا ينفەكسيانى جويۋ نەمەسە شەكتەۋ ماقساتى قويىلادى.
«جۇكتى ايەلدەرگە، اسىرەسە جۇكتىلىك ەپيدەميانىڭ ماۋسىمدىق كەزەڭىندە بولسا جۇكتىلىكتىڭ 2-3 تريمەسترىنەن باستاپ تۇماۋعا قارسى ۆاكسيناسيا جاساۋ ۇسىنىلادى»، - دەپ اتاپ ءوتتى اننا ۆەرشينينا.
ەكپە سالۋدىڭ كەلەسىدەي ماڭىزدى سەبەپتەرى بار:
1. جۇكتىلىك كەزىندە يممۋنيتەت السىرەگەندىكتەن، جۇكتى ايەلدىڭ تۇماۋ جۇقتىرۋ ءقاۋپى الدەقايدا جوعارى بولادى.
2. تۇماۋ جۇقتىرعان جاعدايدا جۇكتى ايەلدەگى اۋرۋدىڭ اعىمى الدەقايدا كۇردەلى جانە اسقىنۋلارمەن وتەدى، سونىڭ ىشىندە جۇكتىلىك تاراپىنان دا قيىندىقتار بولۋى مۇمكىن.
3. تۇماۋدىڭ اۋىر ءتۇرى جۇكتىلىكتىڭ ۇزىلۋىنە، جۇكتىلىكتىڭ توقتاپ قالۋىنا، مەرزىمىنەن بۇرىن بوسانۋعا، جاتىر سۋىنىڭ كوبەيۋىنە، ۇرىقتىڭ جاتىرىشىلىك دامۋىنىڭ كەشەۋىلدەۋىنە، ۇرىقتاعى جاتىرىشىلىك پنيەۆمونياعا اكەلۋى مۇمكىن.
4.جۇكتى ايەلدەردى تۇماۋعا قارسى يممۋنداۋ تەك انانى عانا ەمەس، بولاشاق بالانى دا قورعايدى. جۇكتىلىك كەزىندە ەكپە سالعان جۇكتى ايەل تۇماۋعا قارسى انتيدەنەلەردى ۇرىققا پلاسەنتا ارقىلى جىبەرەدى. ۆاكسيناسيالانعان انادان تۋىلعان بالا كەم دەگەندە 6 اي بويى تۇماۋدان قورعالعان بولادى.
5. جۇكتى ايەلدى تۇماۋعا قارسى ۆاكسيناسيالاۋ ۇرىق پەن جاڭا تۋعان نارەستەنىڭ دامۋىنا، لاكتاسيا كەزەڭىنىڭ ۇزاقتىعىنا، ەمشەك ءسۇتىنىڭ مولشەرى مەن ساپاسىنا اسەر ەتپەيتىنى كوپجىلدىق زەرتتەۋلەرمەن دالەلدەنگەن.
جۇكتىلىك كەزىندە تۇماۋعا قارسى ۆاكسيناسيالانعان انالاردان تۋىلعان نارەستەلەر اراسىندا تۇماۋعا قارسى انتيدەنەلەردى انادان ۇرىققا ءپاسسيۆتى تاسىمالداۋ ارقىلى ءومىردىڭ العاشقى 6 ايىندا بالالاردىڭ تۇماۋمەن اۋىرۋ دەڭگەيى 50-63%-عا تومەندەگەنى تۋرالى دەرەكتەر بار.
جۇكتى ايەلدەردى تۇماۋعا قارسى يممۋنداۋدىڭ كەلەسىدەي جالپى قارسى كورسەتكىشتەرى بار:
* تاۋىق جۇمىرتقاسىنا اللەرگيا، انتيبيوتيكتەر؛
* ۆاكسيناعا جەكە توزبەۋشىلىك؛
* الدىڭعى ۆاكسيناسياعا اللەرگيالىق رەاكسيا؛
* جۇكتىلىكتىڭ ءبىرىنشى تريمەسترى
* كاتارالدى قۇبىلىستاردىڭ بولۋى
«تۇماۋعا قارسى ۋاقتىلى يممۋنداۋ انانى عانا ەمەس، نارەستەنى دە قورعاۋعا كومەكتەسەدى جانە جۇكتىلىكتى جوسپارلايتىن جۇكتىلىكتىڭ 2-3 تريمەسترىنەن باستاپ بارلىق جۇكتى ايەلدەرگە جانە بوسانعاننان كەيىنگى ايەلدەرگە ۇسىنىلادى. ەسىڭىزدە بولسىن-اۋرۋدى ەمدەۋدەن گورى ونىڭ الدىن الۋ الدەقايدا جەڭىلىرەك! ءبىز ءارقايسىمىز ءوز دەنساۋلىعىمىز ءۇشىن جانە بالالارىمىزدىڭ دەنساۋلىعى ءۇشىن جاۋاپتىمىز»،- دەپ قورىتىندىلادى اننا ۆەرشينينا.