لوگيستيكالىق تىزبەكتەردىڭ ۇزىلۋىنە جول بەرمەۋ جانە جۇك تاسىمالىنىڭ قاۋىپسىزدىگىن قامتاماسىز ەتۋ سياقتى كولىك دالىزدەرىنىڭ مۇمكىندىكتەرى تالقىلاندى.
جاڭا باعدارلار قۇنى، جىلدامدىعى مەن قاۋىپسىزدىگى جاعىنان تاسىمالداۋشىلار مەن جۇك قابىلداۋشىلاردىڭ كوڭىلىنەن شىعۋ كەرەك. ەكىنشىدەن، سانكسيالارعا ىلىكپەۋى قاجەت. قازاقستاننىڭ ترانزيتتىك جانە ەكسپورتتىق تاۋارلارى ءقازىر ترانسكاسپيي حالىقارالىق كولىك باعدارىنا اۋىسا باستادى. شەتەلدىك جاڭا سەرىكتەستەرمەن بەلسەندى تۇردە كەلىسسوزدەر ءجۇرىپ جاتىر، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
«ءقازىر ساۋدا جولدارىن قالاي دۇرىس قۇرۋ تۋرالى ەشكىم بىلمەيدى. قانداي ارەكەتتەر سانكسياعا سوقتىراتىنى بەلگىسىز. ەگەر قازاقستان بيزنەسى اكتيۆتەرىن وڭتايلى پايدالانسا، ءجوندى جۇيە قۇرۋعا مۇمكىندىك بار. بۇل جۇك تيەيتىن تەرمينالاردار، جۇك كولىكتەرى مەن لوكوموتيۆتەرگە قاتىستى بولىپ تۇر»، - دەيدى ق ر تەمىرجول كولىگى مەن ينفراقۇرىلىم وپەراتور-كومپانياسى باسقارماسىنىڭ ءتوراعاسى تيمۋر قارابايەۆ.
«وسىنداي دالىزدەردىڭ ءبىرى - ترانسكاسپيي حالىقارالىق كولىك باعدارى. كەزىندە ونى قازاقستان تەمىرجولدارى سالعان جانە ونى تولىق قولداناتىن كەز كەلدى. ول قۇرىق ايلاعىنان كاسپيي تەڭىزى ارقىلى ەۋروپاعا نەمەسە باتۋمي ارقىلى باكۋ-تبيليسي-كارسكە وتەدى. ىستامبۇل نەمەسە مەرسينگە جەتكىزۋگە بولادى. وسىنداي دالىزدەردى ءقازىر جۇزەگە اسىرىپ جاتىرمىز»، - دەيدى گرەكيالىق تاسىمال كومپانياسىنىڭ ديرەكتورى دجۋليا شابانوۆا.
قازاقستان، ءازىربايجان، گرۋزيا جانە تۇركيا بىرلەسكەن كولىك-لوگيستيكالىق كومپانيا قۇرۋ تۋرالى كەلىستى. جۇك تاسىمالىن ارتتىرۋ ءۇشىن اقتاۋ ەركىن ەكونوميكالىق ايماعىندا كونتەينەر حابىن قۇرۋ جوسپاردا بار.