جۇگىرۋ - دەنساۋلىق كەپىلى
ەجەلگى ريم ويشىلى گوراسيي «دەنساۋلىعىڭ بار كەزدە جۇگىرمەسەڭ، اۋرۋشاڭ بولعاندا جۇگىرۋىڭە تۋرا كەلەدى» دەيدى. دەنساۋلىقتى جاقسارتۋ ءۇشىن جۇگىرۋ قاجەت دەگەندى ايتادى. دانىشپاننىڭ ويىندا تەرەڭ ماعىنالى استار جاتىر. وسىعان قانشا عاسىر بۇرىن ءتىپتى ءبىزدىڭ ەرامىزعا دەيىن ايتىلسا دا وزەكتىلىگىن ءبىر جويعان ەمەس. كوبىمىز اسا ءمان بەرمەگەنىمىزبەن، ءتۇبى شىندىق.
ءتاننىڭ ساۋلىعى جاننىڭ ساۋلىعى. تاڭعى سالقىنمەن جۇگىرۋ اسا پايدالى. ساراپشىلاردىڭ پىكىرىنشە، بىرىنشىدەن تاڭعى شىقتا اۋا تازا بولادى. ياعني سيركۋلياسياعا تۇسەدى. بارشا جۇرت ويانامىن دەگەنشە، تۇنىق ساف اۋا اعزاعا جاقسى اسەرىن تيگىزەدى. سول سەبەپتى دە، تۇنىمەن بوساڭسىپ، ۇيقى قۇشاعىنان شىققان دەنەگە قان جۇگىرەدى ەكەن. قىسقاشا ايتقاندا دەنەڭىزدىڭ بارلىق بولىگىنە قان جۇرەدى. وسىلايشا كۇنى بويى سەرگەك جۇرەسىز. ناتيجەسىندە، بويىڭىزدا ىنتا پايدا بولادى. قالعىپ مۇلگىمەيسىز، قايتا كۇش قۋاتىڭىز ارتادى. اراسىندا ازداعان جاتتىعۋ جاساساڭىز، بەرەر پايداسى زور بولماق.
جاقسىلىققا جۇرىگىپ جەتۋگە تىرىسىڭىز. بۇل ارادا بىزدەردىڭ ايتار ويىمىزشش بىرەۋ عانا. ول ارينە ۇمتىلىس. جۇگىر دەگەندە تەك فيزيكالىق تۇرعىدان ايتىلعان ءسوز ەمەس. مۇنىڭ استارى تىم ارىدە جاتىر. تامىرى تەرەڭدە جاتىر. ءاربىر ءىستىڭ دالىرەك ايتقاندا ارمانىڭىزدىڭ ورىندالۋ جولىندا تووقتاماعان ابزال. ءسال كىدىردىڭىز، جانىڭىزدان وزگە بىرەۋ باسىپ وزادى. ءسىز كوزدەگەن مارەگە، وزگە ءبىرىنشى جەتەدى. وسىلايشا قالىس قالۋىڭىز ابدەن مۇمكىن.
تۇيىقتاۋ. حالىق ناقىلعا باي. كوسەمسوزدىڭ ءتۇبىن ءتۇسىرىپ ايتادى. ەل اراسىندا «جۇگىرگەن المايدى، بۇيىرعان الادى» دەپ ايتادى. جوعارىداعى ويلاردىڭ قورىتىپ ايتقانداعى شىعار وي وسىعان كەلىپ تۇيىعادى. سوندىقتان ءتان ساۋلىعى مەن جان ساۋلىعىن قاتار ۇستاعان دۇرىس. بالانس بولسا ۇتىلمايسىز. باستىسى جۇگىرە بىلسەڭىز بولعانى. تەك اقىلمەن. ءبارى ءوزىڭىزدىڭ قولىڭىزدا دەمەكپىز.