جوعارى وقۋ ورىندارىنىڭ قىزمەتكەرلەرىنە جەڭىلدەتىلگەن تارتىپپەن تۇرعىن ءۇي بەرۋ باعدارلاماسى تۋرالى اقپارات - فەيك.
بۇل تۋرالى عىلىم جانە جوعارى ءبىلىم مينيسترلىگى ءمالىم ەتتى، دەپ حابارلايدى Almaty-akshamy.kz
«19 شىلدەدە الەۋمەتتىك جەلىلەردە mongov.kz سايتىنا سىلتەمە جاساي وتىرىپ، جوو قىزمەتكەرلەرى اراسىندا تۇرعىن ۇيگە قاجەتتىلىك ءتىزىمىن جاساۋ ءۇشىن ساۋالناما تولتىرۋ تۋرالى اقپارات تارادى. بۇل مالىمەت شىندىققا جاناسپايدى. اتالعان سايتتاعى اقپاراتتان الاياقتىق بەلگىلەرى بايقالادى. سونداي-اق، ول جوعارى وقۋ ورىندارىنىڭ قىزمەتكەرلەرى تۋرالى جەكە اقپارات جيناۋ ماقساتىندا جاسالعان. وسىعان بايلانىستى، عىلىم جانە جوعارى ءبىلىم مينيسترلىگى جالعان اقپارات تاراتپاۋعا شاقىرادى. مينيسترلىك قانداي دا ءبىر جاڭالىقتى حابارلاۋ ءۇشىن رەسمي اقپارات ارنالارىن پايدالانادى. اتالعان وقيعا بويىنشا دەرەكتەر قۇقىق قورعاۋ ورگاندارىنا جولداندى»، - دەلىنگەن ۆەدومستۆو حابارلاماسىندا.