ەلىمىزدە جىلدىڭ باسىنان باستاپ جول سالاسىنداعى ماماندار اراسىندا بىلىكتىلىكتى ارتتىرۋ كۋرستارىنا قىزىعۋشىلىقتىڭ ايتارلىقتاي ءوسۋى بايقالادى.
توعىز ايدان كەم ۋاقىت ىشىندە 300-گە جۋىق جول مامانى «قازجولعزي»ء-دىڭ قۇزىرەتتىلىكتى دامىتۋ ورتالىعىنا بىلىكتىلىگىن ارتتىرۋ ءۇشىن جۇگىنگەن، دەپ حابارلايدى aqshamnews.kz
بىلتىر ينستيتۋت بۇل كورسەتكىشكە تەك جىل سوڭىنا قاراي عانا جەتكەن بولاتىن.
«جولشىلار سوڭعى ازىرلەمەلەردەن حاباردار بولۋى كەرەك. تەحنولوگيا مەن جاڭالىقتار ءبىر ورىندا تۇرمايدى، كۇن سايىن جاڭا شەشىمدەر تابىلادى، ال نورماتيۆتەر حالىقارالىق ستاندارتتارعا سايكەس وزەكتەندىرىلۋدە. سوندىقتان ءبىز جولدىڭ جوعارى ساپاسىنا قول جەتكىزگىمىز كەلسە، مامانداردىڭ بىلىكتىلىگىن ۇنەمى ارتتىرىپ وتىرۋىمىز قاجەت. سالالىق بىلىمگە دەگەن سۇرانىس جىل سايىن ارتىپ كەلەدى. بۇرىن ءبىزدىڭ كۋرستار 25 باعىتتى قامتىسا، ءقازىر ولاردىڭ سانى 33-كە جەتتى. سونىمەن قاتار، ءبىز تاپسىرىس بەرۋشىلەردىڭ سۇرانىسىنا قاراي، جاڭا تاقىرىپتارمەن كۋرستار وتكىزە الامىز. ونلاين جانە وفلاين ساباقتاردان تىس، بىزدە تاپسىرىس بەرۋشىنىڭ ورنالاسقان جەرىندە كوشپەلى كۋرستار وتكىزۋدە قاراستىرىلعان»، - دەدى تەحنيكالىق عىلىمدار كانديداتى — «قازجولعزي» قۇزىرەتتىلىكتى دامىتۋ ورتالىعىنىڭ ديرەكتورى گۋلجامال ۋماروۆا.
اۆتوجول سالاسىنداعى كادرلار تاپشىلىعى پروبلەماسىن شەشۋ ماقساتىندا «قازجولعزي» اق وتكەن جىلى جول سالاسى ماماندارىنىڭ سيفرلىق بانكىن قۇردى. Jolshy جولشىلار بازاسىندا بارلىق سالا ماماندارى، سونىڭ ىشىندە بىلىكتىلىك، جۇمىس تاجىريبەسى جانە بىلىكتىلىكتى ارتتىرۋ سەرتيفيكاتتارىنىڭ بولۋى تۋرالى اقپارات قامتىلعان. جۇمىس بەرۋشىلەر ءۇشىن قاجەتتى كادرلاردى ىرىكتەۋگە مۇمكىندىك قاراستىرىلعان. قازىرگى تاڭدا بازانى تولتىرۋ جانە ونى باسقا مەملەكەتتىك جۇيەلەرمەن بىرىكتىرۋ جۇمىستارى جۇرگىزىلۋدە. بازا جىل سوڭىنا دەيىن قولدانىسقا ەنگىزىلەدى دەپ كۇتىلۋدە.