الماتى-اتىراۋ باعىتىنداعى №29/30 جولاۋشىلار پويىزىنىڭ بريگادا مۇشەلەرى جولاۋشىنى بوساندىرىپ الۋعا ءماجبۇر بولدى.
بۇل تۋرالى «قازاقستان تەمىر جولى» ۇك» اق باسپا ءسوز قىزمەتى مالىمدەگەن، دەپ حابارلايدى Almaty-akshamy.kz.
وقيعا 19 ماۋسىمدا بولعان. الماتى-اتىراۋ باعىتىنداعى №29/30 جولاۋشىلار پويىزىنىڭ بريگادا مۇشەلەرى نوعايلى ستانساسىنا جەتپەي شۇعىل تۇردە جولاۋشىنى بوساندىرىپ الۋعا ءماجبۇر بولدى.
جولسەرىكتەر تولعاعى كەلگەن ايەلگە كومەكتەسۋ ءۇشىن بارلىق قاجەتتى شارالاردى قولداندى، ول جايلى پويىز ماشينيسىنە حابارلانىپ، جاقىن ماڭداعى ستانسياعا جەدەل جاردەم شاقىرىلدى. ۇل بالانىڭ ومىرگە كەلۋىنە جولاۋشىلار دا كومەكتەسكەن.
«ءبىز كارينا بالعانىم مەن اقمامىق بەكەنوۆا ەسىمدى جولاۋشىلارعا العىس ايتامىز. پويىز بريگاداسى مەن جولاۋشىلاردىڭ ۇيلەسىمدى جۇمىسىنىڭ ارقاسىندا بالا امان-ەسەن دۇنيەگە كەلدى»، - دەيدى ۆاگوننىڭ جولسەرىگى مارال ادىلبەكوۆا.
ساعىز ستانساسىنا جەتكەن سوڭ جاڭا تۋعان نارەستە مەن اناسى جەدەل جاردەم دارىگەرلەرىنە تاپسىرىلدى.