8 ناۋرىز حالىقارالىق ايەلدەر كۇنىنە وراي ەلوردالىق تەمىرجول ۆوكزالدارىنىڭ پەرروندارى مەن پويىزداردا جۇزدەن استام ايەل جولاۋشىلارعا گۇلدەر مەن سىيلىقتار تابىستالدى.
ايەلدەر قاۋىمىنا ساكسوفون اۋەنى مەرەكەلىك كوڭىل-كۇي سىيلىپ، ال پويىزدىڭ ىشىندە داۋىس ۇلعايتقىش ارقىلى تىلەكتەر ايتىلدى، دەپ حابارلايدى اlmaty-akshamy.kz «جولاۋشىلار تاسىمالى» اق باسپا ءسوز قىزمەتىنە سىلتەمە جاساپ.
سىيلىق العان ايەلدەر قاۋىمى ىقىلاس لەبىزدەرىن ايتىپ، جولسەرىكتەرگە العىستارىن ءبىلدىردى. سونداي-اق، بۇل كۇنى ەلىمىز بويىنشا 8 ناۋرىز مەرەكەسىنە ارنايى بەزەندىرىلگەن پويىزدار جولعا شىقتى. ۇلتتىق تاسىمالداۋشى مەرەكە كۇندەرى نازىك جانداردى جىل سايىن قۇتتىقتاۋدى جاقسى داستۇرگە اينالدىرىپ وتىر. بارلىق وبلىستاردا جولاۋشى ايەلدەردى قۇتتىقتاۋ شارالارى وتكىزىلۋدە.
ايتا كەتەيىك، جىل سايىن «جولاۋشىلار تاسىمالى» اق پويىزدارىندا ورتا ەسەپپەن 13 ملن استام جولاۋشى قاتىنايدى، ولاردىڭ ىشىندە جارتىسى ايەلدەر قاۋىمى.
