بۇل جولاۋشىلاردىڭ ءوتىنىشى بولىپ تابىلادى
توتەنشە جاعدايعا بايلانىستى تەمىرجول ارقىلى قاتىنايتىن جولاۋشىلاردىڭ پويىزدان تۇسكەن سوڭ دىتتەگەن جەرىنە جەتۋى قيىندادى، دەپ حابارلايدى Almaty-akshamy.kz
سەبەبى، تۇنگى ساعات 11:00-دەن تاڭعى 7:00-گە دەيىن كوشە قوزعالىسىنا شەكتەۋ قويىلعانى بەلگىلى. اتىراۋ ستانساسىنا تاۋلىگىنە 4 جولاۋشى پويىزى كەلىپ-كەتەدى. ونىڭ ىشىندە الماتى-اتىراۋ جولاۋشىلار پويىزى تاڭعى ساعات 5:00-دە كەلەدى. بۇل بەيمەزگىل ۋاقىتتا كەلەتىن جولاۋشىلار ءۇشىن قولايسىزدىق تۋعىزعان ەدى. وسىعان وراي، اتىراۋ تەمىرجول بولىمشەسى مەكەمەسى جەرگىلىكتى بيلىكپەن بىرلەسىپ، پويىز قوزعالىسىنىڭ كەستەسىنە وزگەرىس ەنگىزدى.
جانىبەك جونتۇربايەۆ، اتىراۋ ماگيسترالدىق جەلى بولىمشەسى ديرەكتورىنىڭ ورىنباسارى:
– اتىراۋ تەمىرجول ۆوكزالى ءبىر قالىپتى جۇمىس ىستەۋدە. جولاۋشىلار پوەزىنىڭ كەلىپ-كەتۋى كەستە بويىنشا جۇرگىزىلىپ جاتىر. «تەڭىز» كەنىشىنە قاتىنايتىن 88/71 اتىراۋ-قۇلسارى پوەزى كومەندانتتىق ساعاتقا بايلانىستى ساعات 6:30-داعى ۋاقىتىن ساعات 9:00-گە اۋىستىردى.