جولاۋشىلار اۆتوبۋسى تۇگى قالماي جانىپ كەتتى

 سەمەيدە قوعامدىق كولىك ورتەندى، دەپ حابارلايدى اباي وبلىسىنىڭ توتەنشە جاعدايلار دەپارتامەنتى.

بۇگىن ساعات 08:50-دە 101 پۋلتىنە شۋگايەۆ كوشەسىندە اۆتوبۋس جانىپ جاتقانى تۋرالى حابار ءتۇستى.

قۇتقارۋشىلار وقيعا ورنىنا كەلگەن سوڭ 2013 جىلعى پاز ماركالى كولىكتە جانعىش قوزعالتقىش بولىكتەرىنىڭ، اسپاپتار پانەلى، ىشكى قاپتامانىڭ، ورىندىقتار مەن كورپۋستىڭ جانىپ جاتقانىن انىقتادى.

جالىن شارپىعان اۋماق - 20 شارشى مەتر.

ءورت قىسقا مەرزىمدە ءسوندىرىلدى.

ءورتتىڭ الدىن الا سەبەبى - ءقاۋىپتى قوندىرعىنى ابايسىز پايدالانۋ.

اباي وبلىسى تجد اۆتوكولىكتە ءورت قاۋىپسىزدىگى تالاپتارىن ساقتاۋدى سۇرايدى:

- اككۋمۋلياتوردى تىكەلەي كولىكتە زاريادتاڭىز؛

- قوزعالتقىشتى اشىق وتپەن (وت، الاۋ، دانەكەرلەۋ شامدارى) جىلىتۋعا، جارىقتاندىرۋ ءۇشىن اشىق وت كوزدەرىن پايدالانۋعا جول بەرمەۋ كەرەك؛

- جانارماي باكتان اعىپ جاتقان كەزدە باكتىڭ اۋزىن اشىق قالدىرماۋ قاجەت.

«كولىكتەگى ءورت دەرەۋ تارالۋى مۇمكىن. كابيناداعى بەنزين مەن كۇيدىرىلگەن رەزەڭكەنىڭ ءيىسى، سورعىشتىڭ استىنداعى ءتۇتىننىڭ پايدا بولسا، بۇل ءورتتىڭ الدىنداعى فاكتىلەر. اۆتوكولىكتە قولدانۋعا دايىن، جارامدى ءورت سوندىرگىش بولۋى كەرەك» دەپ ەسكەرتەدى قۇتقارۋشىلار.