90 شاقىرىمنان استام جەرگە ساپارعا شىققان ادامعا قۇرباندىق شالۋى مىندەتتى ەمەس[1]. ءبىراق ءناپىل رەتىندە قۇرباندىق شالسا، ساۋاپقا كەنەلەدى.
الايدا جولاۋشى ايت كۇندەرىنىڭ دەمالىسىن پايدالانىپ نەمەسە باسقا دا سەبەپتەرگە بايلانىستى ساپارلاپ بارعان جەرىندە قۇربان شالۋىنا رۇقسات ەتىلەدى. ونىڭ ساپارعا شىققانى قۇربان شالۋىنا جانە قۇلشىلىعىنىڭ قابىل بولۋىنا كەدەرگى بولمايدى.
جولاۋشى ساپاردا ءجۇرىپ قۇربان شالىپ، ايت كۇندەرى بىتپەي جاتىپ ۇيىنە قايتسا، وعان ەكىنشى رەت قۇربان شالۋ مىندەتتى ەمەس. سونداي-اق ايت كۇندەرىنىڭ باسىندا تۇرعىلىقتى بولىپ، كەيىن ايت كۇندەرىنىڭ ىشىندە ساپارعا شىقسا دا وعان قۇربان شالۋ مىندەتتەلمەيدى. ال ەگەر ايتتىڭ ءبىرىنشى كۇنى ساپاردا بولىپ قۇربان شالماسا، كەيىن ايت كۇندەرى ۇيىنە قايتسا، وعان قۇربان شالۋ ءتيىس بولادى[2].
«قۇرباندىق ءپاتۋالارى» كىتابىنان
اقپارات muftyat.kz-تەن الىندى.