بۇل وقيعا جامبىل وبلىسىنىڭ وتار-شۋ ۋچاسكەسىندە بولدى.
توقتاتۋ كرانىن جۇلىپ العان جولاۋشى الماتى-نۇر-سۇلتان پويىزىن شۇعىل توقتاتتى، دەپ حابارلايدى Almaty-akshamy.kz
ق ر ءىىم كولىكتىك پوليسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، سول جاعدايدىڭ كەسىرىنەن پويىز مارشرۋتتان جەتى مينۋتقا كەشىگىپ قالعان.
تەكسەرۋ كەزىندە كولىك پوليسەيلەرى قۇقىق بۇزۋشىنى ۇستادى. ول 28 جاستاعى قاراعاندى وبلىسىنىڭ تۇرعىنى بولىپ شىقتى. ەر ادامعا قاتىستى قازاقستان رەسپۋبليكاسىنىڭ اكىمشىلىك كودەكسىنىڭ 560-بابىنا سايكەس اكىمشىلىك حاتتاما جاسالدى. بۇل باپ بويىنشا پويىزدى زاڭسىز توقتاتقانى ءۇشىن 5 اەك (14 585 تەڭگە) كولەمىندە ايىپپۇل سالىنادى.