جولشىلار مەن مەملەكەتتىك قىزمەتكەرلەرگە اۆتوموبيل جولدارىنىڭ جاي-كۇيىن تەكسەرەتىن مەكەمە وكىلدەرى ءدارىس وتكىزدى. سەميناردا قاتىسۋشىلارعا سالاداعى وزگەرىستەر مەن جاڭاشىلدىقتار ايتىلدى، دەپ حابارلايدى اlmaty-akshamy.kz.
سەميناردىڭ ماقساتى - بيىل الماتى اكىمدىگىنىڭ جوسپارلى تاپسىرمالارىن تالقىلاپ، جاڭا جوبالارمەن تانىستىرۋ. قالاداعى اۋدان اكىمدىكتەرى بىلتىردان باستاپ اعىمداعى جول جوندەۋ جۇمىستارىنا جاۋاپتى. جاڭا نورماتيۆتەر مەن تالاپتار ءالى دە تولىق قالىپقا تۇسپەگەن. ءار جولدىڭ ءتولقۇجاتى بولادى. ال جولداردى جوندەۋگە قاراجات جەرگىلىكتى اكىمدىكتەردىڭ رەيتەيگىنە قاراي بولىنبەك. سالىنعان جولدىڭ ساپاسىنا ساي اكىمنىڭ دەڭگەيى دە بەلگىلەنەدى. ءقازىر رەيتىنگ 1 ناۋرىزعا دەيىن دايىندالىپ اۆتوموبيل جولدارى كوميتەتىنە بەرىلۋى ءتيىس بولعان. جاڭا زاڭدا «جول اكتيۆتەرى ۇلتتىق ساپاسىنىڭ ورتالىعى» ارقىلى ەلدىمەكەندەردەگى جولداردى جوندەۋ ساپاسىنا مىندەتتى ساراپتاما ەنگىزۋ كوزدەلگەن. نورماتيۆتەرگە سايكەستىگى مەن كەپىلدىك كەزەڭىندە پايدا بولعان احاۋلارعا تەحنيكالىق قاداعالاۋ مەن جوبالاۋ ۇيىمدارىنىڭ ورتاق جاۋاپكەرشىلىگىن بەرەتىن بولادى. قورىتىندى اۆتوموبيل جولدارى كوميتەتىنىڭ سايتىندا جاريالانباق. جول ساپاسىنا جاۋاپتى مەكەمەنىڭ الماتى فيليالىنىڭ ديرەكتورى قالا كوشەلەرىنىڭ جولى وزگە ايماقتاردان ىلگەرى ەكەنىن ايتادى.
“الماتى - ەلىمىزدەگى مەگاپوليس. قالاداعى جولداردىڭ ساپاسىنا قاتىستى تالاپ تا قاتاڭ. قازىرگى تاڭدا الماتى جولدارىنىڭ ساپا كورسەتكىشى 86%. قالا اكىمىنىڭ تاپسىرماسىنا ساي، سول ساپانى 92%-عا جەتكىزۋ كوزدەلگەن. سوندىقتان ءبىزدىڭ مەكەمە مەن جەرگىلىكتى اتقارۋشى ورگان بىرلەسىپ ارەكەت ەتۋ ماڭىزدى. دەمەك، ورتالىق تاراپىنان وتكىزىپ وتىرعان وسىنداي وقىتۋ سەمينارلارى وتە قاجەت”- دەيدى ماۋلەن ءالىپوۆ.