جول قۇرىلىسى ساپاسىن ارتتىرۋعا ءمان بەرىلەدى

2024 جىلدىڭ 5 ناۋرىز كۇنى ساعات 10:00-دە جول اكتيۆتەرىنىڭ ۇلتتىق ساپا ورتالىعىنىڭ جەرگىلىكتى اتقارۋشى ورگان وكىلدەرىنە ارنالعان وقۋ-سەمينارى وتەدى.

سەمينار ماقساتى - جەرگىلىكتى مامانداردىڭ جول قۇرىلىسى سالاسىنداعى بىلىكتىلىگىن ارتتىرۋ جانە اۆتوموبيل جولدارىنىڭ ساپاسىن ارتتىرۋ. اتالعان ءىس-شاراعا الماتى قالاسىنىڭ اۋدان اكىمدىكتەرى مەن قالالىق اكىمدىكتىڭ 30-عا جۋىق قىزمەتكەرى قاتىسادى، دەپ حابارلايدى Almaty-akshamy.kz.

جول اكتيۆتەرىنىڭ ۇلتتىق ساپا ورتىلىعىنىڭ مالىمەتىنشە، قازاقستانداعى تۇرعىن ءۇي كوممۋنالدىق شارۋاشىلى، جولاۋشىلار تاسىمالى جانە اۆتوموبيل جولدارى بولىمدەرىندەگى قىزمەتكەرلەردىڭ تەك 10%-ى جول سالاسى ماماندىعىن العان، ديپلومدارى بار. اتالعان سالادا ارناۋلى ءبىلىم الماعاندىقتان جول قۇرىلىسى مەن جوندەۋ جۇمىستارىندا سمەتالىق قۇجاتتاردى تولتىرۋدا، تاپسىرىس بەرۋشى تاراپىنان تەحنيكالىق قۇجاتتاردى دايارلاۋدا ولقىلىقتار ورىن الىپ، ءتۇرلى قاتەلىك كەتەدى. وسىنداي كەمشىلىكتەردىڭ الدىن الۋ ءۇشىن ورتالىق ماماندارى جەرگىلىكتى اكىمدىكتىڭ جول سالاسىنا جاۋاپتى قىزمەتكەرلەرىنە وقۋ سەمينارىن ۇيىمداستىرعان. 

سەميناردا تومەندە كورسەتىلگەن ماسەلەلەر قوزعالادى:
- اۆتوجول جوبالارىنداعى ساپانى باقىلاۋ؛
- ⁠اۆتوموبيل جولدارىنا دياگنوستيكا جاساۋ جانە قۇجاتتاۋ؛
- ⁠ۆەدومستۆولىق ساراپتاۋ، پورتالمەن جۇمىس؛
- ⁠ورتاشا جول جوندەۋدىڭ تولىق سيكلىمەن نەمەسە بيزنەس پروسەسىمەن تانىسۋ؛

وسىنداي وقىتۋ-سەمينارلاردان كەيىن ايماقتاردا جول قۇرىلىسى ساپاسى ارتۋى ءتيىس. 
ءىس-شارا الماتى قالاسىنداعى شيەۆچەنكو، 97 مەكەنجايىندا ورنالاسقان لوگيستيكا جانە كولىك اكادەمياسىندا وتەدى.